Italjanski architektar Marya Kučyneła (Mario Cucinella) spałučyŭ sučasnyja technałohii z najstarejšym materyjałam dla pabudoŭli žytła.
Žytło pad nazvaj TECLA — heta pieršy 3D-drukavany dom z hliny, što moža stać varyjantam dla raźmiaščeńnia ludziej, jakija majuć finansavyja prablemy, piša CNN.
Za apošnija niekalki hadoŭ technałohija 3D-drukavanych damoŭ stała imkliva raźvivacca, bo taki mietad abiacaje chutkija terminy budaŭnictva i nievialikija vydatki. Taki dom byŭ nadrukavany za 24 hadziny ŭ Rasii ŭ 2017 hodzie, a praz dva hady ŭ Mieksicy źjaviŭsia ceły rajon, nadrukavany na 3D-pryntary.
Adnak usie papiarednija pabudovy byli stvoranyja z vykarystańniem bietonu abo sintetyčnych materyjałaŭ nakštałt płastyku. Žytło TECLA, u svaju čaru, było nadrukavana z hliny.
Kučyneła ličyć, što taki padychod možna prymianiać u roznych častkach śvietu. Asabliva aktualna heta moža być dla tych rehijonaŭ, dzie pramysłovych materyjałaŭ nie tak šmat.
Druk hlinaj maje svaje niedachopy. Heta značna bolš pavolny praces, bo hlina sochnie daŭžej za bieton. Dom z hliny možna nadrukavać za 200 hadzin, ale hlinianaja sumieś moža sochnuć tydniami — u zaležnaści ad klimatu. Da taho ž hlinianyja damy majuć abmiežavańni ŭ vyšyni.
Adnak ahulnadastupnaść hliny robić takuju kanstrukcyju pryvabnaj dla mnohich krain, dzie nazirajecca niedachop žytła.
3D-pryntary Crane WASP źmiašali vadu z hlinaj i nadrukavali pratatyp TECLA płoščaj 60 kvadratnych mietraŭ. Kanstrukcyja maje dźvie kruhłyja prastory, złučanyja razam. U domie jość haścioŭnia, spalnia i vanny pakoj. Dźviery i vokny ŭstaloŭvajucca asobna paśla druku, a meblu dla doma taksama možna nadrukavać z dapamohaj Crane WASP.
Adnak ideja TECLA zaklučajecca nie ŭ tym, kab stvarać adnatypnyja damy, a adaptavać pabudovy zhodna ź miescaznachodžańniem i klimatyčnymi ŭmovami.
Architektary prajekta adznačajuć, što budaŭničy praces adnosna prosty, tamu jaho možna šyroka vykarystoŭvać. Bolš za toje, nievialikija hlinianyja budynki mohuć stać vyrašeńniem prablemy pieranasielenaści miehapolisaŭ.
Zhodna z dakładam AAN, na budaŭnictva prychodzicca 38% vykidaŭ vuhlakisłaha hazu ŭ śviecie. Adnak stvareńnie doma TECLA patrabuje našmat mienš enierhii, čym standartny dom, što dapamoža źnizić vykidy CO2.
Ciapier čytajuć
Čakajecca novy raŭnd pieramovaŭ miž Biełaruśsiu i ZŠA — litoŭski ŚMI8
Čakajecca novy raŭnd pieramovaŭ miž Biełaruśsiu i ZŠA — litoŭski ŚMI
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier44
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier4
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu66
Kamientary