Vyznačyŭsia supiernik žanočaj zbornaj Biełarusi pa baskietbole na čempijanacie Jeŭropy. Im stała kamanda Francyi.
«Trochkalarovyja» va ŭpartaj baraćbie zmahli pieramahčy Hrecyju. Hulnia išła «punkt u punkt». To napierad vychodziła adna kamanda, to inšaja. Jašče za dźvie chviliny da kanca hulni hračanki pieramahali 49:45, adnak nie spravilisia z chvalavańniem.
Francužanki dahnali i pierahnali svaich supiernic — 51:49. Paŭfinał Biełaruś — Francyja projdzie zaŭtra.
Pačatak a 18:00. Telekanał «Ład» abiacaje vieści žyvuju tranślacyju.
Kali biełaruski vyjhrajuć, finał u subotu ŭ 20:15, kali prajhrajuć - matč za 3-je miesca ŭ 18:00 taksama ŭ subotu.
Dabracca da Ryhi (biełaruski ž zaŭtra hulajuć pa-lubomu), naprykład, možna aŭtobusami.
Vyjezd u 19:30 i 21:30 ad Minsk-Uschodni. Pryjezd u Ryhu ranicaj nastupnaha dnia. Košt bileta -- 88 340 rubloŭ, studentam - źnižka 10%.
***
Biełaruś i Francyja ŭžo sustrakalisia na hetym pieršynstvie ŭ pieršym raŭndzie. Tady ŭ oviertajmie fartuna ŭśmichnułasia francužankam — 64:62. Ci atrymajecca revanš?
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)