Maci piacioch dziaciej Ina Dabratvor paśla vialikich štrafaŭ źjechała ŭ Polšču
Muž kaža, što žonka źjechała časova ŭ spadzievie znajści hodnuju pracu, paviedamlaje «Radyjo Svaboda».
Inu Dabratvor sudzili adrazu pa troch pratakołach č. 3 art. 24.23 KaAP. Padstavaj stali partrety Viktara Babaryki, Śviatłany Cichanoŭskaj, Maryi Kaleśnikavaj i vyjava «Pahoni» na voknach ułasnaj kvatery.
Sudździa Zavodskaha rajona Minska Alena Niakrasava rascaniła heta jak niesankcyjanavany pikiet i prysudziła žančynie štraf u pamiery 200 bazavych vieličyń — 5800 rubloŭ.
Minski haradski sud 19 krasavika skaraciŭ pamier spahnańnia na 50 bazavych (na 1450 rubloŭ). Intaresy žonki pradstaŭlaŭ Illa Dabratvor, bo žančyna paśla sudovaha rašeńnia časova vyjechała ŭ Polšču ŭ spadziavańni znajści hodnuju pracu.
«Adjezd byŭ pazapłanavy. Toje ckavańnie, što ŭčynili siłaviki, vymusiła evakujavacca… Pavodle zakona ŭ nas jość źmiakčalnyja abstaviny, adnak Zavodski sud pryznačyŭ maksimalnaje pakarańnie. Navat dla biełaruskich sudoŭ heta šmat», — skazaŭ Illa Dabratvor «Biełaruskamu partyzanu».
Pa jaho słovach, dla šmatdzietnaj siamji, u jakoj abodva baćki pracujuć žurnalistami-fryłansierami, 5800 rubloŭ — heta astranamičnaja suma. Navat 150 bazavych [4350] u «sacyjalnaj dziaržavie» vielmi šmat. Štrafy adpaviadajuć uzroŭniu dachodaŭ amierykancaŭ, choć Biełaruś pakul nie štat ZŠA, iranizuje Illa Dabratvor.
Ciapier čytajuć
«Razahnać darmajedaŭ! Addać ludziam ziamlu!» Traktaryst z Chojnikaŭ, jaki ciapier žyvie ŭ Łatvii, paraŭnaŭ sielskuju haspadarku tam i ŭ nas11
Kamientary