Abłomki rasijskich rakiet «Iskander-M», jakija Azierbajdžan znajšoŭ pry raźminiravańni horada Šuša ŭ Nahornym Karabachu, nie mahli trapić tudy ź Siryi, tłumačeńni ad Rasii nie da kanca zadavalniajuć Baku.
Pra heta paviedamiŭ prezident Azierbajdžana Ilcham Alijeŭ u intervju azierbajdžanskamu telebačańniu, apublikavanym na sajcie kiraŭnika dziaržavy, piša RBK.
Pavodle jaho słoŭ, Minabarony RF u adkaz na aficyjny zapyt ad azierbajdžanskich kaleh abmiežavałasia paviedamleńniem, što nie zafiksavała padčas apošnich sutyknieńniaŭ u Karabachu vykarystańnie «Iskanderaŭ».
«Heta nie poŭny adkaz na naš list. Hałoŭnym pytańniem našaha lista było toje, jak zabaronienyja i śmiarotnyja rakiety «Iskander-M» trapili ŭ ruki Armienii?» — rastłumačyŭ Alijeŭ. Jon nazvaŭ situacyju niepryjemnaj i adznačyŭ, što Azierbajdžan spadziajecca na ščyryja znosiny sa svaimi stratehičnymi partniorami, u tym liku z Rasijaj.
Alijeŭ dadaŭ, što ŭ rasijskich ŚMI cyrkulujuć «biessensoŭnyja» viersii pachodžańnia rakiet. Siarod ich, adznačyŭ prezident, jość zdahadka, što nasamreč Azierbajdžan sam razam z Turcyjaj vyviez reštki «Iskanderaŭ-M» ź Siryi i pakinuŭ ich u Šušy. «Heta adkrytaje abvinavačvańnie suprać nas. U čym nas abvinavačvajuć, u machlarstvie? <…> My nikoli nie rabili takoha machlarstva. Navošta nam heta rabić? <…> My chočam tryvałaha miru ŭ rehijonie. <…> Navošta nam rabić hetuju pravakacyju?» — adznačyŭ azierbajdžanski lidar.
Pavodle jaho słoŭ, jość tolki dva varyjanty, jak «Iskandery-M» mahli apynucca ŭ armianskaj armii.
Albo vajskoŭcy atrymali ich kantrabandaj, albo rakiety byli pieradadzienyja Armienii «nasupierak mižnarodnym normam i praviłam».
Na karyść pieršaj viersii śviedčyć toje, što, pa śćviardžeńni Alijeva, padčas apošnich sutyknieńniaŭ u Karabachu armianskija handlary zbrojaj niezakonna vyvieźli vialikuju kolkaść uzbrajeńnia z Rasii ŭ Armieniju na pasažyrskich i hruzavych samalotach.
Prezident dadaŭ, što «Iskander-M» aficyjna nie pastaŭlajecca na ekspart, tamu takich rakiet zakonnym šlacham nie moža być u anivodnaj krainy. Ekspartavać možna tolki «Iskander-E», jaho dalokaść składaje 280 km, a ŭ «Iskandera-M» — 500 km.
Alijeŭ taksama abvinavaciŭ armianski bok u tym, što na pytańnie pra «Iskandery» jon nie daje nijakich adkazaŭ.
Raniej premjer-ministr Armienii Nikoł Pašynian abmoviŭsia, što rasijskija «Iskandery» pakazali krajnie nizkuju efiektyŭnaść: na 90% nie traplali ŭ cel. Hetaja zajava vyklikała złuju reakcyju ŭ Rasii, paśla hetaha kiraŭnik Armienii zajaviŭ, što jaho niapravilna prainfarmavali.
Ciapier čytajuć
Namieśnikam kiraŭnika Administracyi prezidenta staŭ ćvierdałoby Muraviejka, a Hienštab uznačaliŭ hienierał, jaki nie vučyŭsia ŭ Rasii20
Namieśnikam kiraŭnika Administracyi prezidenta staŭ ćvierdałoby Muraviejka, a Hienštab uznačaliŭ hienierał, jaki nie vučyŭsia ŭ Rasii
Biełarus-vachtavik na Jamale stvaraje pieśni na biełaruskaj movie z dapamohaj ŠI. «Raniej muzyka była zakrytym kłubam. Niejrasietki adčynili hetyja dźviery z nahi»1616
Kamientary