Za pieraviezienyja šyny, ź jakich zrabili barykady, minčuku dali try hady kałonii
20 krasavika ŭ sudzie Frunzienskaha rajona byŭ vyniesieny prysud pa kryminalnaj spravie palitviaźnia, hramadzianina Rasii Alaksandra Hiedžadze. Jaho abvinavacili pavodle č. 1 art. 342 KK(hrupavyja dziejańni, jakija hruba parušajuć hramadski paradak). Sudździa Andrej Mlečka pakaraŭ jaho tryma hadami kałonii, paviedamlaje spring96.org
Kryminalnaja sprava na Alaksandra była zaviedziena za toje, što jon na karšerynhavym aŭto pieravioz šynyi, ź jakich potym na darozie ŭ žyłym kompleksie «Kaskad» byli zbudavanyja barykady.
Heta adbyłosia ŭviečary 12 kastryčnika. U toj dzień na «Maršy piensijanieraŭ» u Minsku suprać pratestoŭcaŭ byli ŭžytyja haz, śviatłłšumavyja hranaty i inšyja śpiecsrodki, i ŭ adkaz na heta ludzi ŭ mnohich rajonach vyjšli na viačernija akcyi pratestu.
Alaksandra zatrymali 27 kastryčnika, i da suda jon znachodziŭsia ŭ SIZA na Vaładarskaha.
Hiedžadze svaju vinu pryznaŭ častkova. Na sudzie jon nie admaŭlaŭ, što pieravoziŭ šyny, ale kazaŭ, što nie viedaŭ, dla čaho ich buduć vykarystoŭvać. Da pačatku słuchańniaŭ pa spravie palitviazień kampiensavaŭ pazoŭ ad MNS na pakryćcio škody (66,36 rubla).
Kamientary