«Biełarusam — vola, pacuku — padvał». Doktar z Baraŭlan ščyra skazaŭ sudździ, što dumaje
Aniestezijołaha-reanimatołaha 1 HKB Śviatasłava Udota zatrymali 22 krasavika supracoŭniki Baraŭlanskaha adździaleńnia milicyi. Mužčynu abvinavačvajuć u tym, što «22 krasavika kala 2:20 nočy na prypynku Baraŭlany-6 mužčyna nakleiŭ arkuš A4 z nadpisam «Biełarusam — vola, pacuku — padvał».
U RAUSie na mužčynu skłali pratakoł pa art. 24.23 KaAP, rascaniŭšy takoje dziejańnie jak niesankcyjanavany pikiet.
Spravu Śviatasłava Udota razhladała sudździa Kaciaryna Novikava ŭ sudzie Minskaha rajona 23 krasavika. Na pytańnie sudździ ab značeńni nadpisu na listoŭcy mužčyna skazaŭ, što treba čytać litaralna: «Biełarusam — vola».
Dajučy pakazańni, Udot rastłumačyŭ, što takim čynam chacieŭ vykazać svaju niazhodu z parušeńniami, jakija apošnim časam adbyvajucca ŭ krainie.
Dyjałoh z sudździoj:
— Čym pacuki pravinilisia pierad Vami?
— Pacuki danosiać.
— Jakim čynam?
— Nie dajuć vykazvać svajo mierkavańnie z adkrytym tvaram.
— A jakoje mierkavańnie Vy chočacie vykazać?
— Jakoje mierkavańnie ja chaču vykazać? Kab ludziej nie karali za toje, što jany adkryta vykazvajuć svajo mierkavańnie, kab ich nie zvalniali z pracy, kab ich nie zatrymlivali.
Prysud — 15 sutak.
U toj ža dzień, kali adbyŭsia sud, milicyja zajaviła pra zatrymańnie padazravanaha ŭ padpale troch «Tabakierak» u Baraŭlanach: 53-hadovy miascovy žychar, doktar adnoj z balnic Minska. Suprać jaho zaviali kryminalnuju spravu pa č. 1 art. 339 («Chulihanstva»). Vierahodna, havorka viadziecca pra adnaho i taho ž čałavieka, ličać pravaabaroncy.
-
Śmierci niama. Jak režysiorka Darja Žuk stała maci, a praz paŭtara hoda pachavała svajo dzicia
-
Tatu-mastaku z Homiela, što žyvie ŭ Polščy, patrebna dapamoha. Niekalki miesiacaŭ tamu jamu pierasadzili serca
-
«Jaŭrej-sijanist napaŭ na iranskaje dzicia». U tvitary isteryja vakoł fejkaŭ pra biełarusa, jaki napaŭ na chłopčyka ŭ maskoŭskim aeraporcie
Ciapier čytajuć
Siarhiej i Śviatłana Cichanoŭskija sustrelisia ź biełarusami ŭ Vilni1
Kamientary