Pierad pačatkam pieramovaŭ z aficyjnymi biełaruskimi ŭładami jeŭrakamisar u spravie zamiežnych suviaziaŭ Bienita Fierera‑Valdnier sustrełasia ź liderami biełaruskaj apazicyi i pradstaŭnikami niaŭradavych arhanizacyj.
Jana pahutaryła z A. Labiedźkam, A. Kazulinym, S. Kalakinym, V. Karniajenkam, S Šuškievičam i V. Viačorkam.
Pavodle A. Labiedźki, jeŭrakamisar zajaviła jak pra hałoŭnuju zadaču intehracyju Biełarusi ŭ Jeŭropu.
«Jana dakładna viedaje situacyju ŭ Biełarusi, pieraličyła pa punktach, što pazityŭnaje było zroblena, ale ličyć, što heta niedastatkova, kab całkam skasoŭvać sankcyi suprać biełaruskich čynoŭnikaŭ. Jana abiacała spryjać tamu, kab apazicyja była ŭklučanaja ŭ pieramoŭny praces nakont źmienaŭ u vybarčaje zakanadaŭstva. Jana pryznała, što ŭ Biełarusi zastajucca palitviaźni i što hetaje pytańnie nie zakrytaje», — raspavioŭ A.Labiedźka.
Apazicyja prapanavała ES vykarystoŭvać nastupnuju stratehiju ŭ dačynieńni da aficyjnaha Miensku: kredyty ŭ abmien na palityčny dyjałoh unutry krainy i pašyreńnie handlu ŭ abmien na svabodnyja vybary. Aprača inšaha lidery apazicyi vykazalisia za stvareńnie rabočych hrup z pradstaŭnikoŭ ułady i apazicyi dla supracoŭnictva ŭ ramkach Uschodniaha partniorstva i zasnavańnie instytuta ŭpaŭnavažanaha ES pa Biełarusi.
Kamientary