Namieśnik staršyni pałaty pradstaŭnikoŭ nacyjanalnaha schodu Biełarusi Valery Ivanoŭ nazvaŭ niečakanym rašeńnie Parłamienckaj asamblei Rady Jeŭropy (PARIE).
Jak paviedamlałasia raniej, 23 červienia deputaty asamblei prahałasavali za ŭniasieńnie ŭ rezalucyju pa Biełarusi papraŭki, zhodna ź jakoj status śpiecyjalnaha zaprošanaha ŭ PARIE budzie viernuty parłamientu Biełarusi na hod
tolki paśla ŭviadzieńnia maratoryja na śmiarotnuju karu.
Kančatkovaje — jurydyčnaje — rašeńnie budzie prymać Biuro Rady Jeŭropy, pasiadžeńnie jakoha pavinna adbycca 7 vieraśnia ŭ Paryžy.
«Siońnia było pryniata palityčnaje rašeńnie, — adznačyŭ Ivanoŭ. — Jurydyčnaje rašeńnie budzie prymać Biuro Rady Jeŭropy. Hety čas my budziem pracavać nad zhadanym pytańniem».
Vice‑śpikier napomniŭ, što ŭ Biełarusi pravodziŭsia refierendum (u 1996 hodzie), na jakim 80% hramadzian vykazalisia suprać admieny śmiarotnaj kary.
Pry hetym jon padkreśliŭ, što apošnimi hadami «dastatkova šmat zroblena ŭ hetym kirunku».
U pryvatnaści, pavodle słoŭ Ivanova, «u razy skaracilisia vypadki prymianieńnia śmiarotnaj kary», udvaja skaraciłasia kolkaść artykułaŭ Kryminalnaha kodeksa, jakija praduhledžvajuć hety vid pakarańnia.
Adkazvajučy na pytańnie žurnalistaŭ ab pierśpiektyvach dalejšaha zbližeńnia Biełarusi ź Jeŭropaj, Ivanoŭ zajaviŭ: «Ja nie dumaju, što imknieńni prezidenta pa zbližeńni (Biełarusi i ES. — BiełaPAN.) byli biezvynikovyja. Pytańnie ab śmiarotnaj kary było adzinaj pieraškodaj — u astatnim adznačalisia pazityŭnyja kroki».
Łukašenka ŭpieršyniu źjaviŭsia na publicy razam z mamaj Koli37
Kamientary