«Biełoruśsii» bolš niama. Artykuł u ruskaj Vikipiedyi kančatkova pierajmienavali
U samaj kanfliktnaj temie ruskamoŭnaha raździeła Vikipiedyi pastavili kropku.
Artykuł «Biełoruśsija» byŭ pierajmienavany ŭ «Biełaruś» pa rašeńni pracoŭnaj hrupy, jakaja pracavała nad pytańniem bolš za dva hady.
U 2012 hodzie inšaja pracoŭnaja hrupa pryjšła da vysnovy, što abiedźvie nazvy ŭžyvajucca prykładna ŭ roŭnych suadnosinach, a pakolki moŭnaja norma kansiervatyŭnaja i imkniecca da bolš tradycyjnych varyjantaŭ, to za artykułam pra biełaruskuju dziaržavu była zamacavanaja nazva «Biełoruśsija».
U ruskamoŭnaj Vikipiedyi płanujuć viarnuć nazvu Biełaruś. Dla Biełoruśsii nie zastałosia arhumientaŭ
Ciapierašni analiz pakazaŭ, što nazva «Biełaruś» u ruskaj movie stała vidavočna pieravažać va ŭžytku va ŭsich śfierach, za vyklučeńniem rasijskich dziaržaŭnych ŚMI, dzie zachoŭvajecca forma «Biełoruśsija».
Pakolki zhodna z praviłami najmieńnia artykułaŭ u ruskaj Vikipiedyi pryjarytet, jak praviła, addajecca naźvie, jakaja źjaŭlajecca najbolš paznavalnaj i najmienš nieadnaznačnaj, jakoj pa vyniku analizu źjaŭlajecca «Biełaruś», pracoŭnaja hrupa rekamiendavała pierajmienavać artykuł «Biełoruśsija».
Adnak adzin z udzielnikaŭ pracoŭnaj hrupy, viadomy pad nikam NN21, jaki źjaŭlajecca adnym z hałoŭnych apałahietaŭ zachavańnia formy «na Ukrainie» ŭ ruskaj Vikipiedyi, admoviŭsia padpisvacca pad vynikovym tekstam, zajaviŭšy, što jaho nie zadavalniaje mietadałohija. Jahonaja asobnaja dumka, adnak, nie paŭpłyvała na vynik — astatnija try členy pracoŭnaj hrupy vyrašyli los artykuła pra Biełaruś.
«Naša Niva» — bastyjon biełaruščyny
PADTRYMAĆStała viadoma, chto chavajecca za psieŭdanimam hałoŭnaj rasijskaj danosčycy Karabkovaj. Jana pisała danos na «Biełsat»
Navukoŭcy vyśvietlili, što ludzi čytajuć Vikipiedyju absalutna pa-roznamu — usio zaležyć ad uzroŭniu adukacyi
Rasijskaha «zabojcu Vikipiedyi» zabili samoha. A Vikipiedyja žyvie
Pryznali «ekstremisckimi» supołki amataraŭ biełaruskamoŭnaj Vikipiedyi
Kamientary