Moładzievaja zbornaja skončyła vystupleńnie na Čempijanacie Jeŭropy pa futbole, zavajavaŭšy tolki adzin bał i zaniaŭšy vynikovaje siomaje miesca.
Moładzievaja zbornaja skončyła vystupleńnie na Čempijanacie Jeŭropy pa futbole, što prachodzić u Šviecyi.
Hulnia prajšła ŭ Chielsinhbory.
Kab vyjści ŭ paŭfinał, padapiečnym Juryja Kurnienina treba było pieramahać. U siaredzinie pieršaha tajma zdaryłasia karvałolnaja 100-siekundka, kali pa bramie zbornaj Biełarusi italjancy nanieśli niekalki ŭdaraŭ.
Jak i ŭ matčy sa Šviecyjaj biełarusy pieršymi adkryli lik. Na 45-j chvilinie z 12-ci mietraŭ paceliŭ pa varotach Siarhiej Kiślak.
Ale ŭžo praź dźvie chviliny ŭ varoty biełarusaŭ Kłaŭdzijo Čerkieta pryznačyŭ dosyć sumnieŭny pienalci: miač trapiŭ u łokać Michaiła Afanaśjeva.
11-mietrovy realizavaŭ partnior Michaiła Sivakova pa «Kaljary» Robiert Akvafreska. Na 75-j chvilinie jon pastaviŭ pieramožnuju kropku – 1:2.
U Malmio zbornaja Šviecyi pieramahła Sierbiju – 3:1. U hetym matčy sierby zarabili siem žoŭtych i dźvie čyrvonyja kartki.
***
Turnirnaje stanovišča ŭ hrupie «A» Italija – 7 (roźnica miačoŭ: 4—2), Šviecyja – 6 (9—4), Sierbija – 2 (1—3), Biełaruś – 1 (2—7).
Biełarusy prajhrali na čempijanacie zbornaj Šviecyi – 1:5, zhulali ŭničyju ź Sierbijaj – 0:0. Zabili na čempijanacie dva miačy, rabiŭ heta tolki Siarhiej Kiślak («Dynama» Minsk). I bolš za ŭsich prapuścili - siem miačoŭ.
Vynikovaje stanovišča ŭ hrupie «V»: Anhlija — 7, Niamieččyna - 5, Ispanija — 4, Finlandyja — 0.
Takim čynam, zbornaja Biełarusi zaniała na hetym čempijanacie siomaje miesca.
***
U paŭfinałach sustrenucca zbornyja Anhlii i Šviecyi, Italii i Niamieččyny.
Ciapier čytajuć
U jakoj raźviedki była najlepšaja infarmacyja ź Biełarusi ŭ lutym 2022 i chto paviedamiŭ Budanavu, što asnoŭny ŭdar rasijan budzie na Hastomiel. Źjaviłasia vialikaja publikacyja
Kamientary