Litoŭskija instancyi źbirajuć źviestki pra incydent z vymušanaj pasadkaj u niadzielu ŭ aeraporcie Minska samalota kampanii Ryanair, jaki ruchaŭsia maršrutam Afiny — Vilnia, apytvajučy čalcoŭ ekipaža, a taksama ŭ supracoŭnictvie z kiraŭnikami palotaŭ i avijakampanijami.
«Nieabchodna sabrać infarmacyju ź pieršych ruk, atrymać jaje ad čalcoŭ ekipaža łajniera, kiraŭnikoŭ palotaŭ, avijakampanij», — skazaŭ u paniadziełak u efiry nacyjanalnaha radyjo LRT Mantas Kierdokas, kiraŭnik litoŭskaha ahienctva transpartnaj kampietencyi — viedamstva, jakoje ažyćciaŭlaje licenzavańnie i nahlad za dziejnaściu haspadarčych subjektaŭ u śfiery avijacyi.
Sa słoŭ kiraŭnika ŭstanovy, ekipaž pavietranaha sudna byŭ apytany jašče ŭ niadzielu, kali bort pozna ŭviečary paśla šmathadzinnaha čakańnia ŭ Minsku dazvołu na vylet pryziamliŭsia ŭ Vilenskim mižnarodnym aeraporcie. «Z členami ekipaža mieli znosiny pradstaŭniki instancyj pravaachovy i śpiecyjalisty ahienctva», — adznačyŭ Kierdokas.
Jakaja mienavita infarmacyja była atrymana ŭ chodzie hetaj razmovy, jon nie ŭdakładniŭ.
«Śćviardžalna niešta pakul zajaŭlać rana. Nieabchodna sabrać jak maha bolš infarmacyi», — skazaŭ Kierdokas.
Kamientary