Blizkim palitviaźnia Vitolda Ašurka, jaki pamior u škłoŭskaj kałonii, jašče nie vydali jaho cieła.
«Siońnia ranicaj siamja datelefanavałasia ŭ Mahiloŭski SK. Tam adkazali, što ekśpierty pavinny dać zaklučeńnie ab vypadku, i paśla jany ŭžo sami nabiaruć i skažuć, kali cieła možna zabrać. Siońnia ŭžo naŭrad ci pajedziem, navat kali daduć dazvoł: ź Biarozaŭki da Mahilova dabiracca 4 hadziny, nie paśpiejem da kanca pracoŭnaha dnia», — kaža siabra siamji Siarhiej Pantus.
Pa jaho słovach, pachavańnie budzie na radzimie Vitolda, u Biarozaŭcy, na nastupny dzień, jak zabiaruć cieła.
Vitoldu Ašurku było 50 hod. Na zakrytym sudzie ŭ Lidzie jamu dali 5 hod kałonii ahulnaha režymu (pa artykułach 342 i 364 — dziejańni, jakija hruba parušajuć hramadski paradak, i hvałt abo pahroza jaho prymianieńnia ŭ dačynieńni da supracoŭnikaŭ unutranych orhanaŭ). Pryčynaj śmierci palitviaźnia nazyvajuć spynieńnie serca.
Kamientary