Kiraŭnik kamiteta Bundestaha: Ryanair pasadzili ź viedama ci pry padtrymcy RF
Staršynia zamiežnapalityčnaha kamiteta Bundestaha Norbiert Rothien miarkuje, što prymusovaja pasadka samalota avijakampanii Ryanair u Minsku była «jak minimum» ažyćcioŭlena ź viedama Maskvy, navat kali nie pry padtrymcy rasijskaha boku.
Takoje mierkavańnie jon vykazaŭ u apublikavanym u sieradu intervju miedyjahrupie Funke, piša TASS.
U aŭtorak kanclerka FRH Anhieła Mierkiel zajaviła, što ŭ ES niama «paćvierdžanych źviestak» ab datyčnaści Rasii da incydentu z pasadkaj borta Ryanair. U suviazi z hetym, sa słoŭ Mierkiel, lidary krain ES na samicie 24-25 maja nie stali pahłyblacca ŭ dyskusiju ab mahčymaj roli Maskvy ŭ situacyi z rejsam.
Adnak Rethien miarkuje, što ŭ situacyi z rejsam Ryanair adbyŭsia «dziaržaŭny zhon samalota», jaki nibyta «byŭ uchvaleny» ŭładami RF, «kali naohuł z boku Rasii nie było apieratyŭnaj padtrymki». Na dumku hiermanskaha deputata, «biez šyrokaj padtrymki Pucina Łukašenka ŭžo daŭno b bolš nie byŭ va ŭładzie».
Kiraŭnik kamiteta Bundestaha nazvaŭ incydent z samalotam sihnałam ES ab nieabchodnaści źmieny palityki ŭ dačynieńni da Rasii. «U takoj situacyi prosta naiŭna mierkavać, što Maskva zacikaŭlenaja ŭ dyjałohu abo što jon da niečaha pryviadzie», — miarkuje jon. «My majem patrebu, narešcie, u adzinaj jeŭrapiejskaj palitycy ŭ dačynieńni da Rasii, jakaja budzie hruntavacca na realiźmie. Hiermanija i ES z dapamohaj svajoj terapii dyjałohu nie rušać tut napierad», — miarkuje parłamientaryj. Jon adznačyŭ, što Maskva «razumieje tolki adnu movu — hrošaj i hazu».
Trahiedyja ŭ Dokšycach: skončyła žyćcio samahubstvam 15-hadovaja viaskovaja vydatnica1
Kamientary