Supracoŭniki hałoŭnaha ŭpraŭleńnia pa baraćbie z arhanizavanaj złačynnaściu (HUBAZ) MUS Biełarusi vyjavili finansavyja parušeńni pry dobraŭparadkavańni Kobryna (Bresckaja vobłaść) u suviazi z padrychtoŭkaj da praviadzieńnia kirmašu‑fiestyvalu pracaŭnikoŭ vioski «Dažynki‑2009».
Jak paviedamili BiełaPAN u HUBAZ, adzin z subpadradčykaŭ značna zavysiŭ košt budaŭničych i apracoŭčych materyjałaŭ, što vykarystoŭvajucca dla dobraŭparadkavańnia haradskich abjektaŭ.
Vyjaviŭšy parušeńni, supracoŭniki HUBAZ nakiravali subpadradčyku list ź pieraściarohaj ab niedapuščeńni zakuplivańnia materyjałaŭ pa zavyšanych cenach i rekamiendacyjaj uzhadnić ceny va ŭstanoŭlenym paradku, što i było vykanana.
Pra parušeńni apieratyŭniki prainfarmavali staršyniu Bresckaha abłvykankama Kanstancina Sumara, jaki dadatkova nakiravaŭ śpiecyjalistaŭ dla praviadzieńnia techničnaha ahladu i kantrolu za vykarystańniem biudžetnych srodkaŭ, vydzielenych na praviadzieńnie «Dažynak‑2009» u Kobrynie.
Jak zajavili ŭ HUBAZ MUS, dziakujučy pracy pa kantroli za vykarystańniem biudžetnych srodkaŭ praduchileny ekanamičny ŭron dziaržavie na 214 młn. rubloŭ.