Žycharku Kałodziščaŭ aryštavali na 6 sutak za BČB-stužki na drevach. U jaje kanfiskavali knihu Śviatłany Aleksijevič
Žycharku Kałodziščaŭ aryštavali na 6 sutak za BČB-stužki na drevach. Padčas pieratrusu ŭ jaje kanfiskavali knihu Śviatłany Aleksijevič, paviedamlajuć pravaabaroncy.
Kala 16:30 4 červienia 36-hadovaja žycharka Kałodziščaŭ Natalla Iviandzikava jechała na pracu. Ale pa darozie jaje zatrymali supracoŭniki milicyi i razam ź joj pajechali dadomu dla praviadzieńnia pieratrusu. Vosiem supracoŭnikaŭ pravodzili jaho biez paniatych na praciahu dźviuch z pałovaj hadzin. U Natalli kanfiskavali ŭsiu techniku, u tym liku i techniku muža, na jakoj jon pracuje. Akramia techniki ŭ žančyny kanfiskavali knihu Śviatłany Aleksijevič i BČB-stužki. Adzin z supracoŭnikaŭ «biehaŭ pa chacie i kryčaŭ: «Dzie ściah, dzie ściah?» Ale BČB-ściah tak i nie znajšli. U RAUSie na Natallu skłali pratakoł pa art. 24.23 KaAP za «niesankcyjanavanaje pikietavańnie».
Padstavaj dla zatrymańnia i pieratrusu stali BČB-stužki, jakija, pa słovach milicyjaniera «Nieŭskaha», Natalla raźviešvała na drevy a 6-j ranicy 4 červienia. Milicyjanier «Nieŭski» asabista źjaviŭsia 7 červienia ŭ sud Minskaha rajona, kab śviedčyć suprać žančyny. Jon śćviardžaŭ, što «bačyŭ Iviandzikavu ranicaj na miescy ździajśnieńnia pravaparušeńnia, ale nie fatahrafavaŭ jaje dziejańni i pravaparušeńnie nie spyniaŭ». Jakoje adzieńnie było na žančynie, śviedka nie pamiataje, ale «lohka jaje apaznaŭ».
Natalla svaju vinu nie pryznała, bo a 6-j ranicy spała i nikudy nie vychodziła z chaty. Hetyja pakazańni ŭ jakaści śviedki paćvierdziŭ i jaje muž. Ale sudździa Vadzim Kaziej paličyŭ vinu žančyny całkam dakazanaj i aryštavaŭ Natallu na 6 sutak.
Ciapier čytajuć
Anžalika Mielnikava tydzień praviała na Šry-Łancy i vylecieła ź dziećmi ŭ Dubaj6
Anžalika Mielnikava tydzień praviała na Šry-Łancy i vylecieła ź dziećmi ŭ Dubaj
Doktarku Alenu Mikałajevu padčas vajny adpravili na Vaładarku za dapamohu habrejam — u XXI stahodździ tam ža apyniecca jaje praŭnučka Maryna Zołatava33
Kamientary