Jak raniej abviaściła Jeŭrakamisija, sistema siertyfikataŭ vakcynacyi ŭ ES paetapna zapuščana z pačatku červienia, što dazvolić pastupova adnavić svabodu pieramiaščeńnia ŭ Jeŭrasajuzie. Čakajecca, što sistema propuskaŭ pavinna ŭ poŭnym abjomie zapracavać da 1 lipienia, kali ŭ bolšaści krain Jeŭrasajuza pačynajecca siezon adpačynkaŭ.
Hetyja siertyfikaty buduć utrymlivać nastupnyja hrupy danych: pra toje, ci pravodziłasia vakcynacyja, kali i jakim preparatam, kali ŭładalnik dakumienta prachodziŭ apošni PŁR-test, ci pieranosiŭ jon raniej COVID-19. Dziejańnie propuskaŭ abmiažujuć pa časie, ale kankretnyja terminy nie nazyvajucca. Dakumient pavinien zdymać dla jaho ŭładalnika bolšaść sanitarnych barjeraŭ pry pajezdkach unutry ES, adnak padrabiazna detali jaho prymianieńnia pakul nie ahučanyja.
Raniej na minułym tydni dyrektar Jeŭrapiejskaha rehijanalnaha biuro Suśvietnaj arhanizacyi achovy zdaroŭja (SAAZ) Chans Kluhie paviedamiŭ, što tolki 30% žycharoŭ Jeŭropy atrymali pieršuju dozu vakcyny ad novaha karanavirusa, 17% imunizavanyja całkam.
