Рада ЕС зацвердзіла прапанову Еўракамісіі аб тым, што грамадзяне, якія прайшлі поўную вакцынацыю, могуць свабодна здзяйсняць паездкі ў межах Еўрасаюза. Пра гэта гаворыцца ў заяве Рады, пашыранай у панядзелак у Брусэлі, піша ТАСС.
Як раней абвясціла Еўракамісія, сістэма сертыфікатаў вакцынацыі ў ЕС паэтапна запушчана з пачатку чэрвеня, што дазволіць паступова аднавіць свабоду перамяшчэння ў Еўрасаюзе. Чакаецца, што сістэма пропускаў павінна ў поўным аб'ёме запрацаваць да 1 ліпеня, калі ў большасці краін Еўрасаюза пачынаецца сезон адпачынкаў.
Гэтыя сертыфікаты будуць утрымліваць наступныя групы даных: пра тое, ці праводзілася вакцынацыя, калі і якім прэпаратам, калі ўладальнік дакумента праходзіў апошні ПЛР-тэст, ці пераносіў ён раней COVID-19. Дзеянне пропускаў абмяжуюць па часе, але канкрэтныя тэрміны не называюцца. Дакумент павінен здымаць для яго ўладальніка большасць санітарных бар'ераў пры паездках унутры ЕС, аднак падрабязна дэталі яго прымянення пакуль не агучаныя.
Раней на мінулым тыдні дырэктар Еўрапейскага рэгіянальнага бюро Сусветнай арганізацыі аховы здароўя (СААЗ) Ханс Клюге паведаміў, што толькі 30% жыхароў Еўропы атрымалі першую дозу вакцыны ад новага каранавіруса, 17% імунізаваныя цалкам.
Цяпер чытаюць
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца6
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара2222
Каментары