Na dziaŭčynu, jakaja fatahrafavałasia sa ściaham la Viečnaha ahniu ŭ Minsku, zaviali dźvie kryminałki za rolik u TikTok
Dźvie kryminalnyja spravy raspačali ŭ dačynieńni da Maryi za apublikavany ŭ TikTok rolik. Na zapisie jana, nakinuŭšy na plečy bieł-čyrvona-bieły ściah, sadzicca na marmurovy pastamient la Viečnaha ahniu na płoščy Pieramohi.
Dziaŭčyna raspaviała, što videa jana zapisała jašče letam minułaha hoda. Rolik pavinien byŭ stać adnym z frahmientaŭ budučaha klipa na pieśniu «Nas nie dahoniać» hurta TaTu, piša Tut.by.
— Ja pišu pieśni sama, śpiavaju, tancuju. Płanavałasia, što klip vyjdzie 1 žniŭnia, jašče da vybaraŭ, — raspaviała dziaŭčyna.
U termin zaviaršyć prajekt Maryja nie paśpieła: zdymki zryvalisia pa nie zaležnych ad jaje pryčynach. U vyniku materyjał usio ž adzdymali, ale nie zmantavali. Doŭhi čas nieapublikavanaja narezka lažała ŭ archivie, ale 25 sakavika Maryja zapościła dva frahmienty ŭ svoj TikTok.
— Ja na toj momant daŭno nie čytała naviny. Ja daŭno ad usiaho adpisałasia, bo heta ŭsio mianie ŭhaniała ŭ depresiju. Ja vykłała i zabyłasia. U mianie było vielmi šmat pracy i mocna zahružanaja hałava była. Ja vykłała — i praź piać dzion, kali ja źbirałasia na pracu, zvanok u dźviery. A tam: «Dobry dzień, my z Partyzanskaha RUUS». Pakazvajuć mnie skrynšoty z majho TikTok.
Maryju advieźli na Akreścina. Zatrymańnie dziaŭčyny prakamientavała pres-słužba MUS:
— Pavodle jaje słoŭ, jana chacieła chajpanuć na chvali pratesnaj aktyŭnaści ŭ Biełarusi. Taksama dziaŭčyna raspaviała, što raniej prymała ŭdzieł u niesankcyjanavanych akcyjach, — raspavioŭ pieršy namieśnik načalnika Partyzanskaha RUUS Minska, načalnik kryminalnaj milicyi Jury Arłoŭski.
Na videa, jakoje apublikavała MUS, Maryja skazała, što «raskajvajecca» i «nikomu takoje paŭtarać nie raić». U razmovie z Tut.by dziaŭčyna patłumačyła svoj udzieł u zdymkach siłavikoŭ tym, što bajałasia zaviadzieńnia ŭ dačynieńni da jaje kryminalnaj spravy.
Paśla troch dzion źniavoleńnia Maryju vypuścili, ale kryminalnuju spravu ŭsio ž raspačali — za ździek z pomnika abaroncam Ajčyny (č.2 art.) Paźniej dziaŭčynie i dadali artykuł za chulihanstva (č. 1 art. 339 KK).
Sankcyja kožnaha z artykułaŭ praduhledžvaje maksimalnaje pakarańnie ŭ vyhladzie troch hadoŭ pazbaŭleńnia voli. U pačatku maja sprava była pieradadziena prakuroru:
— Ciapier ja adpačyvaju. Ja dumaju tak: mnie zastaŭsia miesiac narmalnaha žyćcia. Nie fakt, što budzie ŭsio tak, jak kaža advakat, jaki lubić mianie supakojvać. Ja ciapier žyvu kožny dzień jak apošni.
-
Pamior biznesmien z 90-ch Alaksandr Smancar. Heta jon u 2010 zvaniŭ Statkieviču na Płošču i zaklikaŭ «siadać u kresła Sidorskaha»
-
Kala 19 tysiač kamier płanujuć ustalavać kala minskich padjezdaŭ. Heta amal u 10 razoŭ bolš, čym ciapier
-
Niamiecki deputat, jaki maje pad Lidaj firmu pa pierapracoŭcy cybuli, vyklikaŭ palicyju na žurnalistaŭ i byłoha biełaruskaha viaźnia
Kala 19 tysiač kamier płanujuć ustalavać kala minskich padjezdaŭ. Heta amal u 10 razoŭ bolš, čym ciapier3
Kamientary