Ministr adukacyi patłumačyŭ, na kolki i čamu z 1 vieraśnia padaražeje navučańnie ŭ VNU
Ihar Karpienka rastłumačyŭ, čamu z 1 vieraśnia vyraście košt płatnaha navučańnia ŭ vyšejšych navučalnych ustanovach.
Siarod pryčynaŭ — rost bazavaj staŭki, ad pamieru jakoj zaležać zarpłaty vykładčykaŭ, pavyšeńnie taryfaŭ na žyllova-kamunalnyja pasłuhi. Nahadajem, niekatoryja navukoŭcy ŭstanovy ŭžo abviaścili ab pavyšeńni koštu navučańnia, paviedamlaje Zerkalo.io.
Ihar Karpienka zajaviŭ u efiry telekanała ANT, što z 1 vieraśnia košt navučańnia vyraście ŭ miežach 10%. Jon udakładniŭ, jak mienavita prymajecca rašeńnie ab pavyšeńni koštu adukacyi.
— VNU prymajuć samastojnaje rašeńnie, ale jano ŭzhodnienaje, adzinaje i centralizavanaje. Tut treba razumieć, što apošniaje pavyšeńnie było ŭ nas u sakaviku 2020 hoda, a za hety pieryjad z 1 studzienia 2021 hoda pavialičyłasia bazavaja staŭka, pavialičyłasia minimalnaja zarabotnaja płata, byli padniatyja taryfy na niekatoryja kamunalnyja i inšyja pasłuhi, — skazaŭ ministr.
— Naturalna, pavyšeńnie ŭ miežach 10% — heta abhruntavanaja ličba, jakaja praličana, i, uvohule, prapracavana ŭ sistemie adukacyi i z kožnaj kankretnaj ustanovaj adukacyi. Treba padkreślić, što ŭ hetym hodzie my nabirajem na biudžet kala 29 tysiač čałaviek pa sistemie vyšejšaj adukacyi. I astatniaja častka ad amal 55 tysiač usich, kaho my nabirajem ŭ sistemu vyšejšaj adukacyi, heta studenty, jakija buduć nabiracca na płatnaj asnovie.
Cikava, što 18 sakavika Ihar Karpienka kazaŭ nastupnaje: «Pavyšeńnie koštu navučańnia ŭ dziaržaŭnych ustanovach adukacyi pakul nie płanujecca. Pavyšeńnie zarabotnaj płaty i inšych vydatkaŭ na realizacyju adukacyjnych prahram budzie ažyćciaŭlacca za košt aptymizacyi inšych raschodaŭ ustanoŭ adukacyi».
Ciapier čytajuć
Zamiest vajny słany ŭ novaj knizie Sašy Filipienki. I Maskva4
Kamientary