«Spadziajemsia, što Biełaruś zojmie svajo zasłužanaje miesca na jeŭrapiejskim kantyniencie, u jeŭrapiejskaj siamji».
U Jeŭrasajuza vialikija płany ŭ dačynieńni da Biełarusi. Pra heta zajaviła nadzvyčajny i paŭnamocny pasoł Francyi ŭ Biełarusi Mirej Miuso na pres‑kanfierencyi ŭ Minsku 9 lipienia. «Spadziajemsia, što Biełaruś zojmie svajo zasłužanaje miesca na jeŭrapiejskim kantyniencie, u jeŭrapiejskaj siamji», — skazała pasoł.
Jana zaznačyła, što paśla rašeńnia ŭ kastryčniku 2008 hoda ab časovym prypynieńni sankcyj ES u dačynieńni da biełaruskich čynoŭnikaŭ uzajemaadnosiny Biełarusi i Jeŭrasajuza pačali palapšacca. «Ale, na našu dumku, jašče šmat treba zrabić na šlachu naładžvańnia adnosinaŭ, asabliva Respublicy Biełaruś», — padkreśliła dypłamat.
Pavodle słoŭ Miuso, Jeŭrasajuz «biare ŭ raźlik» tyja palapšeńni, jakija ŭžo zrobleny biełaruskim bokam, i čakaje dalejšych pazityŭnych krokaŭ. «My viedajem, što ciapier, u pryvatnaści, abmiarkoŭvajecca mahčymaść źmienaŭ u Vybarčy kodeks i palapšeńnia ŭmoŭ pracy prafsajuzaŭ», — skazała pasoł.
Jana padkreśliła, što ES čakaje ad Biełarusi pavažańnia takich asnoŭnych demakratyčnych svabod, jak prava hramadzian na stvareńnie abjadnańniaŭ, svabodu asacyjacyj i svabodu presy. «Spadziajemsia, što buduć zrobleny važnyja zachady ŭ hetym kirunku, jakija pasłužać umacavańniu adnosinaŭ. Dla Jeŭrasajuza i jeŭrapiejskaj hramadskaj dumki vielmi važnyja hety palapšeńni», — zajaviła dypłamat.
Adkazvajučy na pytańnie pra toje, jak doŭha ES navažany čakać dalejšych krokaŭ z boku Minska, Mirej Miuso zaznačyła: «Razmova nie idzie ab tym, kab zafiksavać kankretnuju datu. Tamu što kožnaje hramadstva raźvivajecca pavodle svaich rytmaŭ i patrebaŭ. Razmova idzie ab tym, kab ruchacca pa pravilnym šlachu. Ja chaču, kab Jeŭropa stała kantynientam miru, družby i ŭzajemarazumieńnia pamiž narodami».
Ciapier čytajuć
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram13
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi2020
Kamientary