«Poŭnaja admova ad lubych kantaktaŭ», vykanaŭčy dyrektar BFSS prakamientavaŭ sankcyi suprać NAK
Vykanaŭčy dyrektar Biełaruskaha fondu spartovaj salidarnaści Alaksandr Apiejkin prakamientavaŭ uviadzieńnie sankcyi suprać Nacyjanalnaha alimpijskaha kamiteta Biełarusi i sprahnazavaŭ mahčymyja nastupstvy:
— Niemahčymaść vieści raźliki ŭ zamiežnaj valucie (dalary, jeŭra, šviejcarskija franki). Tym nie mienš, zastaniecca mahčymaść vieści raźliki ŭ rublach i juaniach.
— Chutčej za ŭsio, poŭnaja admova mižnarodnych arhanizacyj ad lubych kantaktaŭ. U sankcyjnych dakumientach heta naŭprost nie prapisana, ale miarkujecca, što ryzykavać nichto nie budzie.
— Taja ž situacyja sa sponsarami. Mižnarodnyja advalacca adrazu. Unutranym sponsaram nahadajuć pra druhasnyja sankcyi. Pramaja padtrymka NAK Biełarusi moža vylicca ŭ sankcyi suprać arhanizacyi-sponsara. U hetaj situacyi, dumaju, taksama nichto nie zachoča ryzykavać.
— Advalvajucca ŭsie mižnarodnyja pastaŭščyki ekipiroŭki.
— Pradstaŭlać NAK Biełarusi na ŭsich alimpijskich mierapryjemstvach stanie niemahčymym.
«Kali koratka padsumavać, to asnoŭny śmiarotny ŭdar naniasuć nie kankretnyja punkty sankcyj, a sama ich najaŭnaść.
Mižnarodnyja partniory, kontrahienty i sponsary nie buduć raźbiracca, što možna i što nielha. Praściej naohuł nie ŭzajemadziejničać, čym potym hadami damahacca razbłakiroŭki svaich rachunkaŭ. Asabista ŭ mianie adčuvańnie, što nichto jašče nie ŭśviadomiŭ usiu dramatyčnaść taho, što adbyvajecca. Ale jak i pisaŭ vyšej, poŭnaja karcina budzie bačnaja ŭ najbližejšy čas», — reziumuje dopis Apiejkin.
Jak ciapier vyhladaje palitźniavoleny Ihar Łosik FOTA4
Kamientary