Juryst štaba i advakat Babaryki i Kaleśnikavaj Illa Salej pakinuŭ Biełaruś
Voś što jon napisaŭ u Instagram:
— U suviazi z vyniesienym u dačynieńni da Viktara Dźmitryjeviča Babaryki prysudam i pieradačaj u sud spravy Mašy Kaleśnikavaj i Maksima Znaka, pa jakoj ja byŭ zatrymany ŭ vieraśni 2020 i na siońnia zastajusia abvinavačanym, a taksama bieručy pad uvahu inšyja padziei, ja pryniaŭ vymušanaje rašeńnie časova pakinuć Biełaruś. Rašeńnie akazałasia samym składanym z pryniatych mnoj sam-nasam z saboj za apošni hod (a ich było niamała), i ja da apošniaha momantu ščyra spadziavaŭsia, što mnie nie pryjdziecca jaho prymać, ale na siońnia mienavita takoje rašeńnie zdajecca mnie adzinym mahčymym i ŭ toj ci inšaj stupieni, što zadavalniaje ŭsich.
Jurysta Illu Saleja zatrymali ŭ vieraśni 2020 hoda, spačatku jon byŭ u SIZA, zatym — pad chatnim aryštam. Z 16 krasavika jamu źmianili mieru strymańnia z chatniaha aryštu na zakład. Illa — u statusie abvinavačanaha pa častcy 3 artykuła 361 Kryminalnaha kodeksa.
Ciapier čytajuć
Kolkaść achviar vybuchu ŭ maskoŭskim elitnym restaranie na jubilei hienierała, jaki kamandavaŭ nastupam na Kijeŭ ź Biełarusi ŭ 2022-m, vyrasła da piaci čałaviek44
Kamientary