«Taliban» kantraluje radoviščy redkich mietałaŭ koštam u tryljon dalaraŭ
Chutkaje padzieńnie Afhanistana ŭ ruki Talibana nie prosta vyklikała humanitarny kryzis z tysiačami biežancaŭ. Ciapierašnija padziei prymušajuć ekśpiertaŭ zadumacca pra budučyniu minieralnaha bahaćcia Afhanistana — pry pravilnym rasparadžeńni jano mahło b pieratvaryć ekanomiku krainy.
Afhanistan — adna z najbiadniejšych krain śvietu. Ale ŭ 2010 hodzie amierykanskija vajennyja i hieołahi vyśvietlili, što hetaja kraina vałodaje radoviščami karysnych vykapniaŭ koštam prykładna ŭ tryljon dalaraŭ, piša CNN.
Pierš za ŭsio, razmova pra žaleza, miedź i zołata. Ale ŭ Afhanistanie bahata i tak zvanych redkaziamielnych mietałaŭ, i, chutčej za ŭsio, tam znachodzicca adno z najvialikšych u śviecie niavykarystanych radoviščaŭ liciju. Heta važny kampanient akumulatarnych batarej i inšych technałohij, nieabchodnych dla baraćby z ekałahičnym kryzisam, ale pry hetym licij u pryrodzie sustrakajecca davoli redka.
Raniej nie atrymlivałasia arhanizavać zdabyčy kaštoŭnych minierałaŭ, bo hetamu pieraškadžali prablemy ź biaśpiekaj, niedachop infrastruktury i mocnyja zasuchi. Naŭrad ci situacyja niejak źmienicca z prychodam Talibana, ale cikavaść da radoviščaŭ prajaŭlajuć inšyja krainy. Siarod ich Kitaj, Pakistan i Indyja.
Zaraz halina zdabyčy minierałaŭ u Afhanistanie prynosić kožny hod tolki miljard dalaraŭ. Pry hetym 30-40% prybytku nie traplaje ŭ ekanomiku krainy praz karupcyju i dziejnaść afhanskich vajennych kamandziraŭ, jakija kantralujuć častku radoviščaŭ.
Jość vierahodnaść, što Taliban skarystajecca svajoj atrymanaj uładaj, kab raźvivać siektar hornaj zdabyčy. Ale, chutčej za ŭsio, taliby zaraz źviarnuć uvahu na pytańni biaśpieki i baraćby z humanitarnym kryzisam.
Braty-bliźniaty pryjšli pracavać u milicyju. Adzin ź ich pierapłyŭ raku i ŭciok ź Biełarusi, kab nie zajmacca palityčnymi spravami. Pahutaryli ź im3
Kamientary