Machlary rassyłajuć paviedamleńni ad imia «Jeŭraopta» — padmanam źbirajuć bankaŭskija źviestki
«Ad imia «Jeŭraopta» ŭ internecie dziejničajuć ašukancy. Nieviadomyja rassyłajuć paviedamleńni ŭ miesiendžarach i prapanujuć prajści apytańnie, za jakoje karystalnik nibyta atrymaje hrašovuju sumu albo kupon na pradukty», — paviedamlaje handlovaja sietka i dadaje, što padobnyja akcyi nie pravodzić.
Pry hetym u «Jeŭraopcie» rajać nie pierachodzić pa padobnych spasyłkach, a taksama rajać paviedamić handlovaj sietcy, kali vy atrymali takoje apaviaščeńnie.
U tielehram-kanale hoster.by paćvierdzili, što ad imia «Jeŭraopta» chtości pačaŭ fišynhavuju rassyłku. «Budźcie aściarožnyja i hladzicie ŭvažliva na adrasny radok, — udakładniajuć u hoster.by. — Charakterna, što nahruzka na sajt realnaha «Jeŭraopta» taksama raście».
Fišynh praduhledžvaje stvareńnie padroblenych sajtaŭ, kudy ludzi ŭvodziać źviestki kartak, a ašukancy potym śpisvajuć hrošy z rachunkaŭ.
Kamientary