Piaskoŭ raspavioŭ detali pra zachvorvańni na kavid u atačeńni Pucina
Bolšaść chvorych na karanavirusnuju infiekcyju COVID-19 u atačeńni prezidenta Rasii Uładzimira Pucina — supracoŭniki, jakija zabiaśpiečvajuć jaho biaśpieku i narmalnuju pracu kiraŭnika dziaržavy.
Pra heta zajaviŭ žurnalistam pres-sakratar prezidenta Rasii Dźmitryj Piaskoŭ, piša RBK.
«Hałoŭnym čynam heta tyja, chto zabiaśpiečvaje pracu i žyćciadziejnaść Pucina, jaho biaśpieku. Chtości byŭ infikavany, i pakolki adbyvajucca kantakty ŭnutry hrupy, adbyłosia infikavańnie značnaj kolkaści ludziej», — skazaŭ Piaskoŭ.
Pavodle jaho słoŭ, uspyška zachvorvańnia adbyłasia ŭ vieraśni, niahledziačy na toje, što «praktyčna ŭsie, chto pracuje z prezidentam, vakcynavany».
Pry hetym Piaskoŭ adznačyŭ, što jamu nie viadomy nivodny vypadak, kali chvaroba praciakała b ciažka, tak što vyjaŭleńnie vialikaj kolkaści chvorych nie vyklikaje sumnieńniaŭ u efiektyŭnaści vakcynavańnia.
«Navat tyja, chto vakcynavany, mohuć stać infikavanymi. Razam z tym, my nieadnarazova kazali, što vakcyna ź vielmi vysokim adsotkam abarony zaścierahaje vas ad reanimacyi i ad śmierci. Ale pry hetym vy možacie złavić virus i ŭ lohkaj formie im pierachvareć», — rastłumačyŭ Piaskoŭ.
Kamientary