Большасць хворых на каранавірусную інфекцыю COVID-19 у атачэнні прэзідэнта Расіі Уладзіміра Пуціна — супрацоўнікі, якія забяспечваюць яго бяспеку і нармальную працу кіраўніка дзяржавы.
Пра гэта заявіў журналістам прэс-сакратар прэзідэнта Расіі Дзмітрый Пяскоў, піша РБК.
«Галоўным чынам гэта тыя, хто забяспечвае працу і жыццядзейнасць Пуціна, яго бяспеку. Хтосьці быў інфікаваны, і паколькі адбываюцца кантакты ўнутры групы, адбылося інфікаванне значнай колькасці людзей», — сказаў Пяскоў.
Паводле яго слоў, успышка захворвання адбылася ў верасні, нягледзячы на тое, што «практычна ўсе, хто працуе з прэзідэнтам, вакцынаваны».
Пры гэтым Пяскоў адзначыў, што яму не вядомы ніводны выпадак, калі хвароба працякала б цяжка, так што выяўленне вялікай колькасці хворых не выклікае сумненняў у эфектыўнасці вакцынавання.
«Нават тыя, хто вакцынаваны, могуць стаць інфікаванымі. Разам з тым, мы неаднаразова казалі, што вакцына з вельмі высокім адсоткам абароны засцерагае вас ад рэанімацыі і ад смерці. Але пры гэтым вы можаце злавіць вірус і ў лёгкай форме ім перахварэць», — растлумачыў Пяскоў.
Цяпер чытаюць
«Быў упэўнены, што я недатыкальная асоба для расіян». Першае інтэрв'ю Юрася Зянковіча на свабодзе21
Каментары