Roŭna hod tamu adbyłasia «tajnaja» inaŭhuracyja Łukašenki. Jak heta było
23 vieraśnia 2020 hoda prajšła inaŭhuracyja Łukašenki. Pieršy raz u historyi jana nie anansavałasia i, nasupierak zakanadaŭstvu, nie mieła videatranślacyi. Z momantu vybaraŭ prajšło paŭtara miesiaca.
Jašče z ranicy pra inaŭhuracyju tołkam ničoha nie było viadoma. Čutki źjavilisia napiaredadni, ale aficyjnaha paćvierdžańnia nie było. Pres-sakratarka Łukašenki Natalla Ejsmant navat u toj dzień nie stała nazyvać datu inaŭhuracyi žurnalistam, skazała, što zrabić heta «bližej da času» cyrymonii.
Faktyčna pra inaŭhuracyju stała viadoma ź jaje pačatkam. Zaprošanyja na mierapryjemstva siostry Hruździevy raskazvali, što taksama ničoha napiaredadni nie viedali.
«Napiaredadni inaŭhuracyi pozna ŭviečary nam patelefanavali i paviedamili, što 23 vieraśnia my pavinny pryjechać u Muziej Vialikaj Ajčynnaj vajny na niejkaje pratakolnaje mierapryjemstva. Papiaredzili, što forma adzieńnia — paradnaja, paraili zrabić pryčosku, nafarbavacca, tamu što płanujecca pratakolnaja zdymka. Skazali, što treba abmierkavać situacyju ŭ krainie, moža, navat partyju jakuju stvorym», — kazali jany.
Pakłaŭšy pravuju ruku na Kanstytucyju, Alaksandr Łukašenka pramoviŭ prysiahu na biełaruskaj movie. Zatym jon padpisaŭ akt ab pryniasieńni prysiahi. Lidzija Jarmošyna ŭručyła Łukašenku paśviedčańnie prezidenta Respubliki Biełaruś.
Hetaja tajamničaść i sam fakt inaŭhuracyi vyklikali pratesty. Na vulicy Minska vyjšli ludzi. Va Uruččy, kala Minsk-Areny, kala «Kaskadu». Darečy, hod tamu, było vielmi ciopła.
Pratesty praciahnulisia viečaram. Žychary Minska i inšych haradoŭ krainy pačali vychodzić na akcyi. Ludzi błakavali niekatoryja vulicy. Siłaviki ŭžyvali vadamioty, haz, stralali ŭ pavietra.
Biełaruś niby viarnułasia ŭ 10-11 žniŭnia: tysiačy siłavikoŭ byli kinutyja na razhon mirnych demanstrantaŭ. Ludziej zatrymlivali na praśpiekcie Pieramožcaŭ, na Niamizie, va Uruččy, na Spartyŭnaj, u Sierabrancy. Tolki nočču ŭsio sucišyłasia.
Pravaabaroncy ŭ toj dzień naličyli bolš za 300 zatrymanych.
Vyniki vybaraŭ i Łukašenku ŭ jakaści lehitymnaha kiraŭnika nichto z zachodnich krainaŭ nie pryznaŭ.
Čytajcie taksama: Viktar Marcinovič: Takoj «inaŭhuracyi» nie viedaje historyja, takoha nie adbyvałasia prosta nidzie dahetul
Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia11
Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary