16 lipienia padčas vykanańnia svaich prafiesijnych abaviazkaŭ u centry Mienska byŭ zatrymany fotakarespandent Vadzim Zamiroŭski.
Vadzim Zamiroŭski rabiŭ fotarepartaž z akcyi salidarnaści na Kastryčnickaj płoščy. Akcyja prachodziła ŭviečary 16 lipienia. Praź niekalki chvilin paśla jaje pačatku ŭdzielniki akcyi byli zatrymanyja ludźmi ŭ cyvilnym, pasadžanyja ŭ aŭtobus i vyviezienyja ŭ Centralnaje RUUS Mienska. Pa šlachu ŭ RUUS ich źbivali. U liku zatrymanych apynuŭsia i fotakarespandent «Biełhaziety» Vadzim Zamiroŭski.
Jak raspavioŭ žurnalist, u niejkaha «ekśpierta», jaki prysutničaŭ pry zatrymańni, paŭstali sumnievy ŭ sapraŭdnaści pradjaŭlenaha žurnalisckaha paśviedčańnia.
— Mnie paviedamili, što paśviedčańnie padroblenaje, i što na mianie zaviaduć kryminalnuju spravu, — raspavioŭ Vadzim Zamiroŭski. — Paśla hetaha mianie zatrymali razam z usimi, i dastavili ŭ adździaleńnie milicyi. Tam ź mianie ŭziali adbitki palcaŭ, źniali na videa. Adpuścili razam z usimi praz try hadziny.
