Litoŭskija miedyki dastali sa straŭnika pacyjenta kiłahram mietaličnych pradmietaŭ, u tym liku ćviki pa 10 santymietraŭ
Mužčyna pačaŭ prahłynać ćviki i hajki, kali admoviŭsia ad ałkaholu.
Daktary ź litoŭskaj Kłajpiedy vydalili bolš za kiłahram ćvikoŭ i hajek z straŭnika pacyjenta, čyjo imia nie nazyvajecca pa pryčynach miedyčnaj tajny.
Dziŭny pacyjent pastupiŭ u Kłajpiedski ŭniviersitecki špital z mocnym bolem u žyvacie. Na renthienaŭskim zdymku mužčyny miedyki pabačyli mietaličnyja pradmiety ŭ jaho straŭniku, pryčym niekatoryja ź ich dasiahali daŭžyni ŭ 10 santymietraŭ, piša Guardian.
Kab dastać usie inšarodnyja cieły, spatrebiłasia trochhadzinnaja apieracyja pad renthienałahičnym kantrolem. Ale ŭ vyniku atrymałasia pazbavić pacyjenta ad usich mietaličnych pradmietaŭ, navat ad samych maleńkich.
Paśla apieracyi pacyjent znachodzicca ŭ stabilnym stanie.
Miedyki raspaviali miascovym žurnalistam, što mužčyna pačaŭ prahłynać mietaličnyja pradmiety paśla taho, jak admoviŭsia ad užyvańnia ałkaholu. Adnak nie paviedamlajecca, jak kankretna admova ad ałkaholu paspryjała farmiravańniu takoj niezvyčajnaj zvyčki.
Na toje, kab nazapasić u straŭniku bolš za kiłahram ćvikoŭ i hajek, pacyjentu spatrebiŭsia ŭsiaho tolki miesiac. Inšarodnyja cieły ŭ hastraenterałahičnym trakcie sustrakajucca davoli časta, adnak hety vypadak unikalny praź ich kolkaść.
Čytajcie taksama: Niekatorych vakcyn chapaje na ŭsio žyćcio. Voś čamu z kavidam nie tak
Ciapier čytajuć
Za palityku asudzili šmatdzietnaha baćku-viernika. Jaho žonka pamierła dva hady tamu3
Za palityku asudzili šmatdzietnaha baćku-viernika. Jaho žonka pamierła dva hady tamu
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary