Samyja tannyja tavary i pasłuhi ŭ Jeŭropie — u Makiedonii, samyja darahija — u Danii. Takija źviestki abnarodavała statystyčnaje ahienctva Eurostat.
Tak, u Makiedonii ceny na 53% nižejšyja za siarednija pa Jeŭropie, a ŭ Danii ŭzrovień spažyvieckich cen vyšejšy za siaredniejeŭrapiejskija na 41%.
U liku samych darahich krain Jeŭropy nazvanyja taksama Narviehija i Šviejcaryja, dzie pakazčyk spažyvieckich cen na 39 i 30% vyšejšy za siaredniejeŭrapiejski.
Ź dziaržaŭ ES samyja tannyja tavary i pasłuhi — u Bałharyi, dzie spažyvieckija ceny nižejšyja za siaredniejeŭrapiejskija na 49%.
Eurostat daśledavaŭ 37 krain: 27 dziaržaŭ ES, try krainy — kandydaty ŭ ES (Turcyja, Charvatyja, Makiedonija), a taksama krainy — členy Jeŭrapiejskaj asacyjacyi svabodnaha handlu (Isłandyja, Narviehija, Šviejcaryja), Ałbaniju, Bośniju i Hiercahavinu, Sierbiju, Čarnahoryju. Statystyčnaje ahienctva paraŭnała 2,5 tys. najmieńniaŭ tavaraŭ i pasłuh.
Ciapier čytajuć
Ajcišnika z «Varhiejminha» sudzili pa rasstrelnym artykule. Padobna, za padtrymku Ukrainy — praŭda, zrabić jon ničoha nie paśpieŭ5
Kamientary