Amazon pracuje nad chaładzilnikam ź niejrasietkaj: jana budzie sačyć za praduktami, prapanoŭvać pakupki i recepty
«Razumny» chaładzilnik vykarystoŭvaje technałohiju mašynnaha zroku ź bieskasavych supiermarkietaŭ Amazon Go.
«Razumny» chaładzilnik ad Samsung. Fota Getty
Kamanda inžynieraŭ Amazon nie mienš za dva hady pracuje nad prajektam «razumnaha» chaładzilnika, jaki zmoža samastojna raspaznavać pradukty, adsočvać ich prydatnaść i kolkaść, nahadvać ab pakupkach, a taksama pradbačyć husty ŭładalnikaŭ i prapanoŭvać recepty. Pra heta piša Business Insider sa spasyłkaj na ŭłasnyja krynicy ŭ Amazon.
U adroźnieńnie ad kankurentaŭ, uładalniku pryłady ad Amazon nie treba budzie samastojna rehistravać pradukty ŭ sistemie abo markiravać ich. Unutry chaładzilnika ŭstalavanyja videakamiery pad kiravańniem niejrasietki, jakaja ŭžo pracuje ŭ biaskasavych supiermarkietach Amazon Go — tam jana adsočvaje, jakija tavary naviedvalniki kładuć u košyki. Takim čynam, chaładzilnik ad Amazon moža sam «razumieć», što lažyć na jaho palicach.
Supiermarkiet sietki Amazon Go, jaki pracuje biez kasiraŭ. Fota Amazon
Vykarystoŭvajučy hetuju infarmacyju, chaładzilnik budzie sačyć za terminam prydatnaści praduktaŭ, apaviaščać uładalnika ab chutkim jaho zakančeńni, prapanoŭvać recepty z vykarystańniem hetych praduktaŭ i dapamahać zakazvać ich u kramach Amazon Fresh i Whole Foods. Taksama pryłada zmoža źbirać statystyku papularnaści tavaraŭ, pradbačyć husty ŭładalnika i raić jamu patrebnyja pradukty.
Krynicy paviedamlajuć, što Amazon nie stvaraje chaładzilnik «z nula» — kampanija budzie supracoŭničać z adnym z vytvorcaŭ bytavoj techniki i abstaloŭvać jaho madeli ŭłasnymi technałohijami. Siarod hetych technałohij, chutčej za ŭsio, budzie i hałasavy pamočnik Alexa, jaki prysutničaje va ŭsich bytavych praduktach kampanii nakštałt televizara i niadaŭna vypuščanaha chatniaha robata.
Amazon vydatkoŭvaje na raspracoŭku chaładzilnika bolš 50 miljonaŭ dalaraŭ u hod, ale niama harantyj, što pryłada vyjdzie na rynak. Prajekt całkam mohuć admianić z-za niedaskanałaj pracy niejrasietki: pa infarmacyi Insider, teściroŭščykam pryłady ŭ Indyi časta davodzicca markiravać pradukty ŭručnuju. Kali chaładzilnik usio ž pastupić u prodaž, to jon napeŭna budzie niatannym — prajekt nakiravany na chatnija haspadarki z vysokimi dachodami.
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary