Za sieryju zabojstvaŭ i razbojnych napadaŭ na pažyłych haradžan da 25‑hadovaha zaklučeńnia ŭ kałonii strohaha režymu asudžany nieadnarazova sudzimy 39‑hadovy vychadziec Małaryty.
Jak paviedamiła BiełaPAN staršy pamočnik prakurora Bresckaj vobłaści Volha Dźmitruk, sudovaja kalehija pa kryminalnych spravach Bresckaha abłasnoha suda 16 lipienia pryznała jaho vinavatym va ŭčynieńni ŭ lutym—sakaviku 2002 hoda dvuch spałučanych z razbojami naŭmysnych zabojstvaŭ i adnaho zamachu na zabojstva z asobaj žorstkaściu, a taksama jašče dvuch razbojnych napadaŭ. Usie złačynstvy ŭčynienyja, kab zavałodać majomaściu paciarpiełych — sastarełych žycharoŭ Baranavičaŭ.
Pry pryznačeńni pakarańnia sud uličyŭ jaŭku z pakajańniem, «čystasardečnaje raskajańnie va ŭčynienych złačynstvach, aktyŭnaje spryjańnie vyjaŭleńniu złačynstvaŭ», paviedamiła Dźmitruk.
0
0
0
0
0
0
