U Biełarusi, vykurvajučy 1 pačak u dzień, na praciahu hoda možna patracić 584 dalary. Heta raŭnacenna 12% hadavoha siaredniestatystyčnaha dachodu paśla vypłaty padatkaŭ, paviedamlajuć thinktanks.by.
Pavodle danych, apublikavanych u vydańni The Lancet, u 2019 hodzie kolkaść kurcoŭ u śviecie dasiahnuła 1,14 młrd čałaviek. SAAZ nazyvaje heta tytuniovaj epidemijaj, jakaja zabivaje 8 młn čałaviek štohod.
Analityki Picodi.com vyrašyli źviarnuć uvahu na finansavy aśpiekt kureńnia. Jany daviedalisia, jak adroźnivajecca košt cyharet u 104 krainach śvietu, paličyli, kolki hrošaj traciać kurcy na cyharety štohod.
Siarod krain, što patrapili ŭ naš rejtynh, samuju vysokuju canu płaciać kurcy ŭ Aŭstralii. Tam pačak z 20-ju cyharetami kaštuje 25,63$. Takaja cana źjaŭlajecca vynikam uśviadomlenaj palityki aŭstralijskich uładaŭ, nakiravanaj na pamianšeńnie kolkaści kurylščykaŭ. Akcyz u hetaj krainie z 2013 pa 2020 hod pavialičvaŭsia na 12,5% štohod.
Da hrupy krain z samymi darahimi cyharetami taksama adnosiacca Novaja Ziełandyja (24,75$ za pačak), Irłandyja (16,49$) i Vialikabrytanija (15,66$).
Biełaruś u hetym rejtynhu zajmaje 7 pazicyju ź siaredniaj canoj 1,60$ za pačak. U susiednich Polščy i Ukrainie pačak cyharet kaštuje daražej: 4,65$ (57 miesca rejtynha) 2,26 $ (19 miesca) adpaviedna.
Na inšym kancy rejtynhu apynulisia Nihieryja (0,97 $ za pačak) i Kazachstan (1,18$). Taksama tanna cyharety možna kupić u Armienii (1,56 $).
Kamientary