Ułady Turcyi zaviali kryminalnyja spravy na 30 čałaviek za tvity pra śmierć Erdahana
Hałoŭnaje ŭpraŭleńnie biaśpieki Turcyi zaviało kryminalnyja spravy ŭ dačynieńni da 30 čałaviek, jakija raspaŭsiudžvali pasty z navinoj pra śmierć Redžepa Taipa Erdahana ŭ internecie. Pra heta paviedamlaje Associated Press.
Pavodle zajavy palicyi ŭ sieradu, tureckija ŭłady raspačali sudovuju spravu suprać 30 čałaviek z-za sieryi paviedamleńniaŭ u tvitary, jakija vykazvali dapuščeńnie, što prezident Turcyi Redžep Taip Erdahan pamior. Tureckija ŭłady identyfikavali 30 aŭtaraŭ padobnych publikacyj u Twitter i pradjavili im abvinavačvańni ŭ dezynfarmacyi, manipulacyjach i abrazie prezidenta. U vypadku pryznańnia vinavatymi im pahražaje turemnaje źniavoleńnie.
AP adznačaje, što padobnyja pasty raspaŭsiudzilisia ŭ sietcy na fonie čutak ab paharšeńni zdaroŭja 67-hadovaha Erdahana. Tak, padčas śviatočnaha zvarotu da nacyi ŭ lipieni hramadzianie zaŭvažyli, što jamu niezdarovicca, a pramova palityka hučała nierazborliva. U 2012-m hodzie tureckamu prezidentu zrabili surjoznuju apieracyju na straŭniku.
Imknučysia raźviejać čutki pra zdaroŭje Erdahana, pamočniki prezidenta ŭ sieradu raźmiaścili ŭ tvitary videaroliki, na jakich jon enierhična kročyć paśla pieralotu sa Stambuła ŭ Ankaru.
U minułym miesiacy ŭpraŭleńnie pa suviaziach z hramadskaściu taksama vypuściła videa, na jakim Erdahan hulaje ŭ baskietboł, kab abvierhnuć čutki pra toje, što jon, mahčyma, chvory.
Ciapier čytajuć
«Tufli — 400 rubloŭ». Vypuskniki dzielacca, u kolki abyšlisia ich vobrazy7
Kamientary