Palitźniavolenaha Siarhieja Krupieniča taksama aryštavali na čarhovyja 15 sutak. Jon praviadzie ŭ turmie 127 sutak
Anastasija pavinna była vyjści jašče ŭčora, ale za dźvie hadziny da vyzvaleńnia dziaŭčynu pieraviali ź CIPa ŭ IČU i skłali novy pratakoł. Siarhiej siońnia taksama nie vyjšaŭ na volu, paviedamlajuć pravaabaroncy.
Na siamju ŭ čarhovy raz učastkovyja Leninskaha RUUSa skłali pratakoł pa art. 19.11 KaAP za pierasyły adno adnamu ŭ pryvatnych paviedamleńniach navin z «ekstremisckich» telehram-kanałaŭ. Sudździ nieadnarazova admaŭlali advakatam, kab abjadnać pratakoły za roznyja reposty ŭ adzin, tamu za kožnuju navinu z «ekstremisckich» kanałaŭ, znojdzienuju ŭ telefony Anastasii, siamju sudziać asobna adrazu paśla zakančeńnia minułaha aryštu.
Na sudzie nad Anastasijaj advakat prasiła pryznać abaviazkovym va ŭdziele ŭčastkovaha Ziankieviča i ahledzieć telefon Anastasii, bo niepasredna jon ahladaŭ telefon padčas zatrymańnia i nie skłaŭ pratakoł na ŭsie reposty, što paciahnuła pastupalnaje źjaŭleńnie novych pratakołaŭ i pavieličeńnie terminu.
U 30-dzionny termin telefon pavinien być nakiravany dla realizacyi ŭ dachod dziaržavy. Adnak Ziankievič utrymlivaje telefon i składaje novy pratakoł, što źjaŭlajecca parušeńniem. U kožnym z pratakołaŭ napisana, što telefon ahledžany va ŭklučanym stanie, što niemahčyma, uličvajučy što telefon znachodzicca ŭžo bolš za 100 dzion pad aryštam i batareja nie moža być aktyŭnaj tak doŭha. Ale sudździa Ačałava nie zadavoliła chadajnictvy advakata.
Anastasija praviadzie ahułam za kratami 126 sutak, a jaje muž — 127.
Ciapier čytajuć
Krutoha ajcišnika, jaki viarnuŭsia z Polščy, kinuli za kraty za finansavańnie «ekstremizmu»13
Krutoha ajcišnika, jaki viarnuŭsia z Polščy, kinuli za kraty za finansavańnie «ekstremizmu»
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary