Na achoŭnuju stajanku haražnaha kaapieratyva №4, što na vulicy Mašerava, pastaviŭ aŭtamabil «Žyhuli» złodziej, jaki ŭkraŭ mašynu z dvara doma №72 pa Vialikim Haścincy, što ŭ Maładziečnie.
«Prystojnym zhonščykam» nazvaŭ złamyśnika ŭ intervju «RH» pamočnik načalnika maładziečanskaha rajadździeła milicyi Jaŭhien Bierkutaŭ. Pavodle jaho infarmacyi, z dvara doma na Vialikim Haścincy mašyna źnikła ŭ pramiežak času ad 17 da 23 lipienia. Supracoŭniki milicyi znajšli jaje na stajancy ŭ siem hadzin viečara 24 lipienia.
«Haspadar nie zachacieŭ stavić «Žyhuli» na płatnuju stajanku, dyk za jaho heta zrabiŭ złodziej», — kaža Jaŭhien Bierkutaŭ. Pa słovach pamočnika načalnika rajadździeła milicyi, z kožnym dniom u dvarach damoŭ mašyn stanovicca ŭsio bolš, a miesca na stajankach chapaje. Haspadary nie śpiašajucca płacić za achovu mašyn hrošy, a kradziažy z aŭtamabilaŭ nie spyniajucca. Kožny z aŭtamabilistaŭ dumaje: zaleźci mohuć u čyju zaŭhodna mašynu, ale tolki nie ŭ maju.
