Admoŭnaje salda zamiežnaha handlu tavarami ŭ Biełarusi za pieršaje paŭhodździe skłała 3,9 miljarda dalaraŭ. Heta ŭ 1,8 razu bolš u paraŭnańni ź pieršym paŭhodździem 2008 hoda.
Pra heta na pasiadžeńni Savieta ministraŭ paviedamiŭ staršynia Nacyjanalnaha statystyčnaha kamiteta Uładzimier Zinoŭski, pieradaje Interfaks.
Za červień deficyt vonkavaha handlu tavarami vyras na 733 miljony dalaraŭ.
Pavodle kiraŭnika Biełstata, rost admoŭnaha salda handlu tavarami vyklikany skaračeńniem ekspartu na 47,7% da 9 miljardaŭ dalaraŭ pry pamianšeńni impartu na 33,4% da 12,9 miljardaŭ dalaraŭ. U vyniku vonkavy tavarazvarot Biełarusi ŭ pieršym paŭhodździ skaraciŭsia na 40,1% da 21,9 miljardaŭ dalaraŭ.
Asnoŭnaj pryčynaj rostu admoŭnaha salda vonkavaha handlu źjaŭlajucca apieracyi z pramiežkavymi tavarami (enierhanośbity, syravina, kamplektujučyja). Deficyt handlu imi ŭ pieršym paŭhodździ 2009 hoda vyras na 712,4 miljona dalaraŭ.
0
0
0
0
0
0
