Irak admianiaje najbližejšyja evakuacyjnyja rejsy dla mihrantaŭ ź Biełarusi
Rejsy «Irakskich avijalinij» u Biełaruś admienienyja na 25 i 27 listapada, pra heta paviedamiŭ pradstaŭnik avijakampanii. «Tak, zaŭtra rejsa i taho, jaki byŭ zapłanavany na subotu, nie budzie. Ja nie mahu ŭdakładnić, pa jakoj pryčynie», — skazaŭ surazmoŭca ŭ avijakampanii RIA «Novosti».
Rejs z Bahdada ŭ Minsk pavinien byŭ adbycca 25 listapada. Prybyćcio borta z Bahdada ŭ Minsk čakałasia a 12.45. Pieralot pavinna była vykanać avijakampanija Iraqi Airways. Infarmacyja ab admienie rejsa taksama źjaviłasia na aficyjnym sajcie Nacyjanalnaha aeraporta Minsk.
Raniej, 18 listapada, irakskaja avijakampanija Iraqi Airways vykanała rejs pa vyvazie ź Biełarusi irakskich hramadzian ź liku tych, što sprabavali patrapić u ES praz respubliku. Samalot, jaki zabraŭ irakskich hramadzian ź Biełarusi, spačatku pryziamliŭsia ŭ Erbile, a zatym u aeraporcie irakskaj stalicy — Bahdadzie. Na borcie było 430 mihrantaŭ, paradku 390 vyjšli ŭ Erbile, astatnija dalacieli da Bahdada.
Cichanoŭskaja: Dzieci nie pierajechali ŭ ZŠA, a prosta časova buduć z tatam dziela biaśpieki39
Kamientary