Barbadas — adna z 16 krain, dzie Lizavieta II pa-raniejšamu zastajecca kiraŭnikom dziaržavy. Rola hetaja pa bolšaj častcy simvaličnaja, navat u samoj Vialikabrytanii, ale simvały časam značać mnohaje. U vypadku z Barbadasam heta karaleŭskija partrety va ŭsich dziaržaŭnych ustanovach, znaki adroźnieńnia i formiennyja našyŭki z karaleŭskimi simvałami ŭ armii, palicyi i navat u paštovych rabotnikaŭ, a taksama šmatlikija zhadki imieni manarcha ŭ nazvach ustanoŭ, takich jak balnica karalevy Lizaviety.
Taki paradak rečaŭ isnavaŭ na Barbadasie bolš za 400 hadoŭ, z tych časoŭ, jak tam kinuŭ jakar pieršy anhlijski karabiel, jaki zastałbiŭ hetuju terytoryju za karalom Jakavam I, ale ciapier šmat čamu nakanavana źmianicca
Kab uziać udzieł va ŭračystaściach na Barbadas prylacieŭ prync Čarlz, aficyjny pradstaŭnik karalevy, a taksama jaje pierajemnik u roli kiraŭnika Sadružnaści, dobraachvotnaha abjadnańnia suvierennych dziaržaŭ, u jakoje ŭvachodziać Vialikabrytanija i amal usie jaje byłyja daminijony, kałonii i pratektaraty (Barbadas zastaniecca ŭ składzie hetaj Sadružnaści).
Chiba sprečnym, z punktu hledžańnia niekatorych žycharoŭ, zastajecca i samo rašeńnie ab pierachodzie da respubliki biez papiaredniaha refierendumu. Adnak pa Kanstytucyi krainy palityčnyja lidary majuć prava damahacca niezaležnaści i biez hałasavańnia.
Barbadas zdabyŭ niezaležnaść ŭ 1966 hodzie, adnak, jak u vypadku sa šmatlikimi inšymi byłymi kałonijami Vialikabrytanii, karaleva zastałasia aficyjnym kiraŭnikom dziaržavy.
Častka krain u rehijonie ciaham niekalkich hadoŭ pazbaviłasia ad manarcha na čale dziaržavy.
Siońniašni prezident Barbadasa Sandra Mejsan na aŭdyjencyi z karalevaj u 2018 hodzie
Narešcie, u minułym hodzie aficyjny pradstaŭnik karalevy, hienierał-hubiernatar Sandra Mejsan abviaściła ab płanie pa pierachodzie da respublikanskaj formy praŭleńnia ŭ svajoj «tronnaj pramovie».
Aŭtaram hetaj pramovy była premjer-ministr Barbadasa Mia Motli, pa słovach jakoj, «nadyšoŭ čas kančatkova raźvitacca z kałanijalnym minułym».
U intervju Bi-bi-si jana padkreśliła, što ŭ žadańni pakončyć z kałanijalnaj spadčynaj niama ničoha antahanistyčnaha abo varožaha, što jana hłyboka pavažaje karalevu, ale nastaŭ čas budavać novyja adnosiny ź Vialikabrytanijaj na asnovie ciesnaha partniorstva.
