U minskaj fiłarmonii paśla danosu skasavali kancerty pamiaci achviar Chałakostu
«Svabodzie» stała viadoma, što zaplanavanyja na 20 i 22 studzienia kancerty pad nazvaj «Žoŭtyja zorki», na jakich miełasia vykonvacca 13-ja symfonija Dźmitryja Šastakoviča «Babin Jar», skasavanyja paśla danosu «nieabyjakavaha» hramadzianina.
Kancerty pamiaci achviaraŭ Hałakostu ładzilisia ŭ Miensku i inšych haradach Biełarusi z 2018 hodu. Na sioletnija kancerty ŭ Miensku byŭ zaprošany dyryžor z Aŭstryi.
Niechta Ivan Nikifaraŭ nakiravaŭ 30 listapada pa elektronnaj pošcie ŭ Ministerstva kultury Biełarusi list nastupnaha źmiestu:
«Tak zvanyja «prajekty» — «Žoŭtyja zorki», «Pakul nie iduć tytry» i inšyja (Miensk, Bieraście i h. d.) padajucca jak dabračynnyja, ale nasamreč srodki ad ich iduć na padtrymku apazycyjnych arhanizacyj (naprykład, Horadzienski hośpis), i pryciahvajucca artysty, jakija biaruć udzieł u apazycyjnych akcyjach.
Raptam akazvajecca, što sioleta arhanizatar Hanna Lańkova zaplanavała ich u Biełdziaržfilarmonii. Treba spynić hetuju dziejnaść va ŭsich dziaržaŭnych kancertnych arhanizacyjach, nia tolki ŭ Miensku, ale i ŭ inšych haradach.
Nižej prykładajucca skrynšoty — dziejnaść «arhanizatara» i Horadzienskaha hośpisu».
U adkaz na hety zvarot načalnica hałoŭnaj upravy dziaržaŭnych specyjalnych kulturnych mierapryjemstvaŭ i prafesijnaha mastactva I.Dryha nakiravała list hieneralnamu dyrektaru Biełdziaržfilarmonii z zahadam razabracca i prainfarmavać zajaŭnika i Ministerstva kultury.
Paśla razboru ŭ toj ža dzień, 2 śniežnia, stała viadoma, što kancerty 20 i 22 śniežnia ŭ Biełdziaržfilarmonii skasavanyja.
Viadoma, što arhanizatarka kancertaŭ Hanna Lańkova — unučka «praviednikaŭ narodaŭ śvietu».
Hetaje zvańnie dziaržava Izrail nadaje tym, chto ŭ Druhuju suśvietnuju vajnu ratavaŭ habrejaŭ.
Vyjšła na svabodu Antanina Kanavałava, davieranaja asoba Cichanoŭskaj u 2020 hodzie4
Kamientary