Pra heta «Doždiu» zajaviła pradstaŭnica ministerstva Maryja Zacharava.
Pa słovach Zacharavaj, supracoŭniki pasolstva «nieadnarazova» naviedvali Papova da vyniasieńnia prysudu, a taksama znachodziacca ŭ pastajannym kantakcie ź jaho advakatam.
«Našy kalehi ŭ Minsku znachodziacca ŭ pastajannym kantakcie z rasijskim hramadzianinam i hatovyja i dalej akazvać jamu nieabchodnaje sadziejničańnie ŭ ramkach najaŭnaj kampietencyi», — skazała jana.
Dźmitryj Papoŭ byŭ maderataram sacsietak prajekta «Kraina dla žyćcia» Siarhieja Cichanoŭskaha. Z červienia 2020 hoda jon byŭ za kratami. U červieni 2021 hoda jon napisaŭ list svajoj siastry, u jakim paprasiŭ Uładzimira Pucina pazbavić jaho hramadzianstva praz adsutnaść dapamohi z boku Rasii. Jon adznačaŭ, što nasupierak zajavam Pucina pra toje, što «Rasija svaich nie kidaje», pa fakcie Maskva zastupajecca za svaich hramadzian tolki tady, kali hetaja dapamoha moža «prynieści palityčnyja bały ŭładam». Pa słovach Papova, za hod rasijski konsuł naviedaŭ jaho tolki raz.
