Urad razhladaje mahčymaść vypłaty siamiejnaha kapitału pry naradžeńni druhoha dziciaci. Ab hetym zajaviŭ premjer-ministr Biełarusi Raman Hałoŭčanka u intervju MTRK «Mir».
«Padzieńnie naradžalnaści — surjoznaja prablema dla ŭsich dziaržaŭ, tamu ŭrad dumaje nad tym, jak stymulavać naradžalnaść. Pry hetym nizkaja naradžalnaść nie znachodzicca ŭ pramoj zaležnaści ad materyjalnych vyhad», — adznačyŭ Hałoŭčanka.
«My bačym, i heta pakazvajuć našy daśledavańni i sacyjałahičnyja apytańni, što naradžalnaść nie znachodzicca ŭ pramoj zaležnaści ad materyjalnych vyhad. Tut hrajuć rolu vielmi šmat faktaraŭ: heta i karjernyja niejkija rečy, heta značyć, padychod taki: spačatku treba zrabić karjeru, a potym, kali ty ŭžo damohsia niejkich vyšyń, to možna padumać i pra dziaciej. A potym na dziaciej užo nie zastajecca času abo bijałahičnych mahčymaściaŭ», — raspavioŭ Hałoŭčanka.
Tym nie mienš, faktar vypłaty siamiejnaha kapitału maje peŭnuju matyvirovačnuju funkcyju. Urad ciapier razhladaje mahčymaść uviadzieńnia siamiejnaha kapitału, pačynajučy z naradžeńnia druhoha dziciaci, supastaŭlajučy hetuju dosyć surjoznuju vypłatu z mahčymaściami biudžetu, dadaŭ premjer-ministr.
Ciapier siamiejny kapitał u Biełarusi pryznačajecca siemjam pry naradžeńni abo ŭsynaŭleńni treciaha abo nastupnych dziaciej.
Z 2015 pa 2019 hod jon składaŭ 10 tysiač dalaraŭ, z 2020-ha kapitał pryznačajuć u rublach. Ciapier jon składaje 23 737,5 rubla. Heta kala 9324 dalaraŭ pa kursie Nacbanka na 1 śniežnia.
Ciapier čytajuć
Staŭ hierojem Mahiloŭskaha ŭniviera, źbiraŭ falkłor, pracavaŭ na biełarusizacyju sadkoŭ — raskazvajem pra Jaŭhiena Bojku, asudžanaha za salidarnaść z palitviaźniami44
Kamientary