Były prezident Małdovy Ihar Dadon staŭ padazravanym pa spravie kampanii «Enierhakom». Pra heta paviedamiŭ sam Dadon pa zakančeńni słuchańniaŭ pa spravie, jakija prajšli ŭ sieradu ŭ budynku Hienieralnaj prakuratury.
«Mnie skazali, što ja padazravany, nie abvinavačany. Usie, chto prachodzić pa hetaj spravie — padazravanyja», — zajaviŭ Dadon žurnalistam, piša sputnik.md.
Pa słovach Dadona, havorka pra čas, kali jon byŭ ministram ekanomiki. U krasaviku 2008 hoda jon pieraniaŭ kiravańnie enierhietyčnym siektaram i praz tydzień staŭ adkaznym za hety siektar.
«Ja pryjšoŭ, hatovy supracoŭničać z tymi, chto viadzie hetuju spravu. My hatovyja abmiarkoŭvać usio, bo ŭ nas niama nijakaj viny», — padkreśliŭ Dadon.
Kryminalnaja sprava «Enierhakom» — heta sprava ab kupli elektraenierhii ŭ 2008-2009 hadach. Sprava była zaviediezienaja pa fakcie kradziažu finansavych srodkaŭ dziaržavy «ŭ asabliva bujnych pamierach z dapamohaj złačynnych schiem pry imparcie elektraenierhii ŭ Małdovu». U pryvatnaści paviedamlajecca, što takim čynam było prysvojena dziaržaŭnych hrošaj na 11,9 miljona dalaraŭ.
Kamientary