U abnoŭlenaj viersii Telehrama źjavilisia dadatkovyja funkcyi
Abnaŭleńnie dla miesiendžara Telegram prapanuje novyja mahčymaści: reakcyi, aŭtamatyčny pierakład paviedamleńniaŭ, schavany tekst. Pra heta paviedamlaje onliner.by sa spasyłkaj na aficyjny błoh miesiendžara.
Ciapier na paviedamleńni ŭ čacie možna adreahavać nie tolki frazaj, ale i animavanym emodzi. Administratary čataŭ mohuć vybrać, jakija mienavita emodzi buduć dastupnyja ŭ jakaści reakcyj u ahulnym čacie. U asabistych čatach jany zaŭsiody buduć uklučanyja.
Funkcyja schavanaha tekstu dazvolić chavać u ahulnych čatach spojlery, jakija mohuć sapsavać inšym udzielnikam hutarki uražańnie, naprykład, ad nieprahledžanych pakul jašče filmaŭ ci sieryjałaŭ. Možna vyłučyć častku nabranaha paviedamleńnia i prymianić da jaje farmatavańnie «Schavany». Schavany tekst tady nie pakazvajecca ni ŭ paviedamleńniach, ni ŭ śpisie čataŭ i abviestkach. A kab prahladzieć taki tekst, dastatkova da jaho dakranucca.
Taksama prosta ŭ miesiendžary źjaviłasia funkcyja pierakładu paviedamleńniaŭ. Pry hetym možna vybrać movy, ź jakich nie patrabujecca pierakładać, dla paviedamleńniaŭ na hetych movach knopka «pierakłaści» budzie schavanaja.
Kamientary