U Biełarusi pačynajuć pradavać elektrakary za 20 900 rubloŭ. Ale vyhladajuć jany vielmi niezvyčajna
U Biełarusi startavali prodažy FAW Bestune Xiaoma. Jak paviedamlajecca, ciapier heta samy dastupny elektramabil z aficyjnaj zavodskaj harantyjaj u krainie.
Aficyjny dyler FAW Bestune u Biełarusi «FiełOkt-Servis» udakładniaje: ceny na kampaktny sicikar buduć pačynacca ad 20 900 rubloŭ, piša Onliner.by.
Bestune Xiaoma — heta kampaktny elektramabil, stvorany pieravažna dla haradskich pajezdak. Sicikar maje nastupnyja habaryty: daŭžynia — 3000 mm, šyrynia — 1510 mm, vyšynia — 1630 mm, pamier kołavaj bazy — 1953 mm. U zaležnaści ad batarei, masa elektramabila moža dasiahać 715/775 kh.
Sicikar maje čatyry miescy. Zadnija składajucca, jość elektraruchavik mahutnaściu 27 abo 41 k.s. ad kampanii Shuanglin, jakaja taksama pastaŭlaje elektramatory dla brendaŭ Chery i SGMW.
Maksimalnaja chutkaść Bestune Xiaoma dasiahaje 100 km/h. Zapas chodu — kala 170/222 km pa cykle CLTC u zaležnaści ad jomistaści batarei.
Taksama sicikar možna zaradžać ad chatniaj razietki. Pavodle vytvorcy, hruzapadymalnaść madeli — da 300 kh.
Elektramabil abstalavany karysnymi opcyjami dla kamfortnych haradskich pajezdak, siarod jakich kamiera zadniaha vidu, kandycyjanier, sistema dapamohi pry starcie ŭ haru, piarednija i zadnija parktroniki, elektraskładalniki voknaŭ i paduški biaśpieki.
Udakładniajecca, što aficyjnaja harantyja ad vytvorcy dziejničaje dva hady abo 60 000 km prabiehu. Taksama biaspłatna dziejničaje dadatkovaje servisnaje supravadžeńnie na termin da piaci hadoŭ.
-
Pa darozie sa Šviecyi ŭ Biełaruś mašyna zhubiła minimum 300 tysiač kiłamietraŭ prabiehu — ciapier jaje pradajuć za $15 tysiač
-
Za paŭhoda pravoŭ pazbavili bolš za 10 tysiač kiroŭcaŭ
-
Biełarus, jaki pastajanna žyvie za miažoj, pryvioz ź ES mašynu i pakinuŭ baćkam. Jaje zabrali i zapatrabavali «poŭnaj razmytnioŭki»
Ciapier čytajuć
Na mitynhu ŭ Vilni zatrymali pravakatara. A Cichanoŭski zajaviŭ pra namier dabivacca sustrečy ź Zialenskim7
Kamientary