28 śniežnia čaty žycharoŭ «Kaskada» i ich staronki ŭ sacyjalnych sietkach byli pryznanyja «ekstremisckim farmiravańniem».
Na fota: žychary «Kaskada» vyviešvajuć hihancki biełaruski ściah, 2020 hod.
Pravaabaroncam stała viadoma pra zatrymańnie 30 śniežnia čatyroch žycharoŭ minskaha mikrarajona «Kaskad».
U Frunzienskim RUUS stalicy na ich skłali pratakoły pa 24.23 KaAP (udzieł u niesankcyjanavanych masavych mierapryjemstvach).
Zatrymlivali ich na pracoŭnych miescach nibyta za toje, što jany nočču zapuskali saluty i vykrykvali łozunhi.
«Naša Niva» pahavaryła z žycharami «Kaskada», jany nie prypaminajuć nijakich salutaŭ. Sprava vidavočna maje palityčny padtekst.
28 śniežnia čaty žycharoŭ «Kaskada» i ich staronki ŭ sacyjalnych sietkach byli pryznanyja «ekstremisckim farmiravańniem». Rašeńnie pra heta pryniało Ministerstva ŭnutranych spraŭ, a pieršym paviedamiŭ pra jaho telehram-kanał HUBAZiKa — upraŭleńnia, jakoje z 2020 hoda pieratvaryłasia ŭ palityčnuju palicyju.
U 2020-m «Kaskad» byŭ adnym z apiryščaŭ pratestavaha ruchu. Ź im źviazanyja niekalki zapaminalnych momantaŭ.
Čytajcie taksama: Inšy Minsk. Ekskursija pa horadzie, jaki nabyŭ novyja sensy
«Kaskad» farmiravaŭ vialikija kałony demanstrantaŭ padčas maršaŭ za svabodnyja vybary.
U apublikavanych u internecie zapisach palityčnych danosaŭ u milicyju fihuruje i žycharka mikrarajona, zasłužanaja artystka Biełarusi Alena Łanskaja. Jana danosiła na svaich susiedziaŭ. Raniej jana była viadomaja tym, što na jaje karyść sfalsifikavali adbor na «Jeŭrabačańnie», ale paśla pratestaŭ jaje kankurentaŭ tyja vyniki admianili.
A z pažarnaj častki № 2 Frunzienskaha rajona Minska zvolnili Maksima Stašulonka, jaki papiaredziŭ žycharoŭ kvartału «Kaskad», što ratavalnikam zahadali źniać vyviešany pamiž damami «Kaskada» vialiki bieł-čyrvona-bieły ściah.
«A što ŭ vas za prablemy? Daloka da Minska ci niama kamu padvieźci?» Publičnaja pikiroŭka Łukašenki i Pašyniana10
Kamientary