17-hadovy syn śpiavački Šynejd O'Konar skončyŭ žyćcio samahubstvam
Pra śmierć Šejna O'Konara stała viadoma praz dva dni paśla taho, jak irłandskaja śpiavačka paviedamiła, što jaje syn źnik.
Z čaćviarha Harda (Irłandskaja palicyja) viała pošuki 17-hadovaha syna Šynejd O'Konar, u apošni raz jaho bačyli ŭ piatnicu ranicaj u rajonie Tałacht u Dublinie, paviedamlaje Bi-bi-si.
Padčas pošukaŭ Šejna śpiavačka apublikavała ŭ sacsietkach niekalki emacyjnych pastoŭ, u jakich prasiła syna źviazacca ź joj. «Bieź ciabie moj śviet abryniecca. Ty majo serca. Kali łaska, nie spyniaj jaho. Kali łaska, nie naškodź sabie. Idzi ŭ Hardu i davaj adviaziem ciabie ŭ balnicu», — zaklikała jana ŭ adnym z tvitaŭ.
U subotu ranicaj Šynejd O'Konar napisała ŭ tvitary: «Moj cudoŭny syn, Nieviim Niesta Ali Šejn O'Konar, śviatło majho žyćcia, vyrašyŭ pakončyć sa svajoj ziamnoj baraćboj i ciapier znachodzicca z Boham. Chaj jon spačyvaje ź miram, i chaj nichto nie paśleduje jaho prykładu. Majo dzicia. Ja ciabie vielmi lublu. Spačyvaj ź miram».
— Sinead The 1 And Only (@OhSineady) January 8, 2022
U irłandskaj palicyi paćvierdzili, što pošuki Šejna O'Konara zavieršanyja paśla vyjaŭleńnia cieła ŭ piatnicu 7 studzienia.
Kalehi śpiavački vykazvajuć spačuvańni ŭ suviazi sa śmierciu jaje syna.
Irłandcy Šynejd O'Konar 55 hadoŭ, akramia Šejna ŭ jaje jašče troje dziaciej. U 2017 hodzie śpiavačka zapisała videazvarot, u jakim raspaviała ab šmathadovaj baraćbie z depresijaj. U 2018-m jana abviaściła, što pierajšła ŭ isłam i źmianiła imia na Šuchadu Davit.
Ciapier čytajuć
Śviatłana Aleksijevič raskazała, jakuju knihu vypuścić nastupnaj. Jana nie pra kachańnie, jak płanavałasia raniej2
Kamientary