Pra pierśpiektyvy arendnaha žylla z pravam vykupu raspavioŭ ministr architektury i budaŭnictva Rusłan Parchamovič u prahramie «Kontury» na ANT.
«Toje, što jość nieabchodnaść u pavieličeńni arendnaha žylla, heta fakt. Bo, na žal, siońnia nie ŭsie hramadzianie, jakija majuć patrebu ŭ palapšeńni žyllovych umoŭ, hatovyja i mohuć patracić hrošy na toje, kab nabyć žyllo va ŭłasnaść. Tamu zabiaśpiečyć žyllom nieabchodna ŭsich, ale paśla hramadzianin vyrašyć, ci moža jon i ci choča vykupić hetaje žyllo, abo budzie praciahvać arandavać jaho», — zajaviŭ kiraŭnik viedamstva Rusłan Parchamovič.
Pry hetym jon adznačyŭ, što «nieviadomaha tut jašče vielmi šmat, i na siońniašni dzień zakanadaŭstva nie hatovaje da vyrašeńnia hetaha pytańnia».
«Tamu nieabchodna Ministerstvu architektury i budaŭnictva i Ministerstvu žyllova-kamunalnaj haspadarki papracavać i vyznačyć padychody ŭ častcy vyznačeńnia koštu arendnaj płaty, paradku vykupu takoha žylla, pradastaŭleńnia takoha žylla. Tamu tut patrebnaja budzie dastatkova surjoznaja praca», — adznačyŭ ministr architektury i budaŭnictva.
Jon nazvaŭ prykładnyja terminy, kali padrychtujuć nieabchodnuju narmatyŭnuju bazu.
«Dumaju, na praciahu bližejšaha paŭhoda my padrychtujem usiu nieabchodnuju narmatyŭnuju bazu i zaniasiem va ŭrad na razhlad jak raz hetaje pytańnie», — paviedamiŭ Parchamovič.
Kamientary