Heta prestyžny mižnarodny chakiejny turnir, što pravodzicca pry kancy śniežnia ŭ Šviejcaryi.
Arhkamitet Kubku Špenhlera‑2009 abviaściŭ skład udzielnikaŭ mižnarodnaha chakiejnaha turniru, jaki štohod pravodzicca ŭ šviejcarskim Davosie pry kancy śniežnia, u pramiežku pamiž Rastvom i Novym hodam.
Minskaje «Dynama» stanie pieršym biełaruskim kłubam, jaki atrymaŭ zaprašeńnie vystupić u chakiejnym turniry z bolš čym 80‑hadovaj historyjaj.
U Kubku Špenhlera tradycyjna biare ŭdzieł miascovaja kamanda «Davos», časam uzmocnienaja hulcami čempijanatu Šviejcaryi, zbornaja Kanady, što składajecca z hulcoŭ, jakija hulajuć u Jeŭropie, a taksama pieramožca minułaha turniru. Inšyja kłuby zaprašajucca arhanizatarami.
Pieramožcy Kubku Špenhlera — 2008 maskoŭskija dynamaŭcy admovilisia ad vystupu ŭ sioletnim rozyhryšy.
Supiernikami «Dynama» Minsk buduć, aproč «Davosa» i zbornaj Kanady. niamiecki «Manhiejm» i «Karłavy Vary» (Čechija).
Sioletni turnir stanie apošnim, jaki budzie zhulany pavodle viadomaj formuły z udziełam piaci kamandaŭ. Ad 2010 hodu na papiaredniaj stadyi ŭdzielniki buduć padzielenyja na dźvie hrupy pa try kamandy ŭ kožnaj.
***
«Kubak Špenhlera» upieršyniu byŭ razyhrany ŭ 1923 h. i z taho času prachodziŭsia 82 razy. Jaho natchnialnikam staŭ viadomy šviejcarski lekar i zmahar z suchotami Karł Špenhler.
Čaściej za inšych ŭładalnikami trafieju stanavilisia «Davos» (14 razoŭ) i zbornaja Kanady (11). Z savieckich kłubaŭ najčaściej za inšyja (5 razoŭ) pryzam vałodaŭ maskoŭski «Spartak». U najnoŭšaj historyi pieramožcami byli try rasijskija kłuby — maskoŭski CSKA (1991), mahnitahorski «Mietałurh» (2005) i maskoŭskaje «Dynama» (2008).
Za ŭsiu historyju «Kubak Špenhlera» nie pravodziŭsia tolki čatyry razy — u 1939, 1940, 1949 i 1956 hadach.
Ciapier čytajuć
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1616
Kamientary