ZŠA praciahvaje pieradavać Ukrainie zbroju i ryštunak, Kanada źbirajecca dałučycca
ZŠA ŭžo pieradała Ukrainie šmatfunkcyjanalnyja hranatamioty SMAW, a Kanada źbirajecca dasłać strałkovuju zbroju i broniekamizelki, piša Radyjo Svaboda.
Pra čarhovy pastaŭki zbroi z Amieryki paviedamlaje ŭkrainski vajskovy sajt «Militarnij».
Infarmacyjny partał DVIDS Ministerstva abarony ZŠA apublikavaŭ zdymki pracesu padrychtoŭki da adpraŭki va Ukrainu čarhovaj partyi zbroi i bojeprypasaŭ, jakija prybyli ŭ noč na 22 studzienia. Siarod partyj u tubach jość i takija, jakija raniej va Ukrainu nie pastaŭlalisia. Havorka pra hranatamioty M141 Bunker Defeat Munition (BDM), abo SMAW-D («adnarazovyja»).
SMAW-D — ručnaja adnarazovaja reaktyŭnaja hranata, pryznačanaja dla razbureńnia palavych umacavańniaŭ, prakładki prachodaŭ u aharodžach, ścienach budynkaŭ. Hranata maje 83-mm askiepkava-fuhasnuju bajavuju častku HEDP (High Explosive Dual Purpose), jakaja źmiaščaje 1,1 kh vybuchoŭki, z dvuchrežymnym detanataram.
Niahledziačy na toje, što BDM aptymizavany dla vykarystańnia suprać umacavańniaŭ, jon taksama zdolny źniščać niebraniavanuju i lohkabraniavanuju techniku.
Partyja, jakaja ŭ noč na 22 studzienia prybyła ŭ aeraport Kijeva, — pieršaja ź niekalkich partyj novaha pakieta dapamohi ŭ śfiery biaśpieki Uzbrojenym siłam Ukrainy na sumu 200 miljonaŭ dalaraŭ.
Tym časam Kanada źbirajecca dasłać Ukrainie strałkovuju zbroju dla atradaŭ terytaryjalnaj abarony. Pra heta paviedamiŭ telekanał CBC.
Taksama ŭ płanach — dastaŭka va Ukrainu broniekamizelek i abarončych akularaŭ. Pakul, adnak, zastajecca niezrazumiełym, ci dašle Kanada va Ukrainu svaich instruktaraŭ dla navučańnia vojskaŭ terytaryjalnaj abarony.
Ciapier čytajuć
U Rečycy ludzi vyjšli prybirać śnieh. Ich aštrafavali6
U Rečycy ludzi vyjšli prybirać śnieh. Ich aštrafavali
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1414
Kamientary